इन्सेक गतिविधिहरू

७४औँ अन्तराष्ट्रिय  मानवअधिकार दिवस तथा लैङ्गिक हिंसा विरूद्धको अभियानको अवसरमा मानवअधिकार र लैङ्गिक हिंसा विषयमा अन्तरक्रिया कार्यक्रम सम्पन्न भएको छ।

सामाजिक विकास कार्यालय गोरखाको समन्वय तथा अनौपचारीक क्षेत्र सेवा केन्द्र (इन्सेक) र इन्सेकद्धारा गठन गरिएको मानवअधिकार सञ्जाल लगायतका मानवअधिकारवादी संघ संस्थाको संयुक्त आयोजनामा भएको कार्यक्रममा सहभागीहरूले पछिल्लो समय हिंसाको स्वरुप फेरिएको बताउनु भएको छ।

घर भित्रै पनि कतिपय महिलाहरू हिंसाको सिकार बन्ने गरेको र पछिल्लो समयको प्रविधिले पनि महिलाहरू हिंसामा पर्ने गरेको महिला मानवअधिकार रक्षक सञ्जालकी अध्यक्ष सावित्रि भट्टले बताउनुभयो। हिंसा सहेर नबस्न र हिंसा गरे प्रतिकार गर्नुपर्ने उहाले बताउनुभयो।

समाजमा महिलालाई हेर्ने दृष्टिकोण अझै परिवर्तन हुन नसकेको कार्यक्रममा सहभागी फम्फा गन्धारीले बतानुभयो। कार्यक्रममा सामाजिक विकास कार्यालयका प्रमुख दिपेन्द्र परियारले १६ दिने लैङ्गिक हिंसा विरूद्धको अभियानको समिक्षात्मक टिप्पणी गर्नुभएको थियो । त्यस्तै सहायक प्रमुख जिल्ला अधिकारी चित्राङ्गत बरालले मानवअधिकारको विषयमा कार्यपत्र प्रस्तुत गर्नुभएको थियो।

हरिराम उप्रेती