इन्सेक गतिविधिहरू

मादी गाउँपालिकामा मानव अधिकार समूहको समस्या पहिचान तथा कार्ययोजना बैठक भदौ २७ गते सम्पन्न भएको छ ।

स्थानीय तहमा शिक्षा, स्वस्थ्य, जातीय विभेद तथा वातावरणसम्बन्धी समस्या पहिचान, महिला हिंसा, यौन दुर्व्यवहार तथा अपाङ्गता भएका व्यक्तिहरुका सम्बन्धमा छलफल भएको थियो । साथै मानव अधिकार समूहको भूमिका तथा कार्ययोजना र अन्य विविध विषयमा बैठकमा छलफल गरिएको समूहका अध्यक्ष रुद्रनाथ अधिकारीले बताउनु भयो ।

गाउँपालिकामा शिक्षाको गुणस्तर वृद्धि गर्नका लागि अभिभावक शिक्षाको अवश्यकता रहेको, दिवा खाजा व्यवस्थापनमा समस्या भएका कारण सो बारेमा छलफल भएको थियो ।

गाउँपालिकाभित्र अझै होमस्टे तथा सार्वजनिक स्थलमा जातीय विभेदको अवस्था कायमै रहेको, कुहिने र नकुहिने फोहोर छुट्टाछुट्टै व्यवस्थापन गर्न आवश्यक रहेको विषय औँल्याइएको थियो । बैठकले सार्वजनिक यातायातले मनपरी भाडा लिँदै आएको विषयमा पनि छलफल गर्दै पहिचान गरेका समस्यालाई सम्बन्धित निकायमा ध्यानकर्षण गराउने निर्णय गरेको अध्यक्ष अधिकारीले बताउनु भयो ।

सञ्जय रानाभाट