माछापुच्छ्रे गाउँपालिकामा मानव अधिकार समूहको बैठक सम्पन्न

  ०८१ जेठ १ गते

माछापुच्छ्रे गाउँपालिकामा अनौपचारिक क्षेत्र सेवा केन्द्र (इन्सेक) द्वारा गठित मानव अधिकार समूहको बैठक ०८१ वैशाख २९ गते सम्पन्न भएको छ ।

समूहका अध्यक्ष डिल्लीराम भण्डारीको अध्यक्षता एवम् इन्सेक गण्डकी प्रदेश कार्यालयका संयोजक शिव प्रसाद खकुरेलको प्रमुख आतिथ्यतामा बैठक सम्पन्न भएको थियो ।

बैठकमा मानव अधिकार समूहलाई गाउँपालिकामा दर्ता गर्न पेश गरिएको कागजातहरुको बारेमा फलोअप निरन्तर गर्ने, समूहका कार्य उपलब्धिका बारेमा सफलताको कथा बनाउने र पुनः अनुगमनमा गई समस्या पहिचानका लागि छुट्टाछुट्टै चार ओटा क्षेत्रमा संयोजक तोकी समयमा रिपोटिङ्ग गर्ने भनी निर्णय गरिएको छ ।

शिक्षा क्षेत्रमा कुल प्रसाद अधिकारीलाई संयोजक तोकिएको छ । स्वास्थ्य क्षेत्रमा प्रेमकुमारी अधिकारी, वातावरणमा दिलु पन्त र जातीय विभेदको क्षेत्रमा सुनिता परियारलाई संयोजकको जिम्मेवारी बैठकले प्रदान गरेको छ । बैठकले यस आर्थिक वर्षमा सफलता प्राप्त गरेका कार्यक्रमहरुलाई आगामी आर्थिक वर्षमा पनि निरन्तरता दिनकाे लागि गाउँपालिकामा बजेट सहितको कार्यक्रमको माग गर्ने निर्णय सर्वसम्मतले पास गरेको छ ।

बैठकमा कार्यक्रम अधिकृत सबनम शर्मा र सहजकर्ता शुष्मा आचार्यले सहजीकरण गर्नु भएको थियो ।

बैठकमा मानव अधिकार समूहको सदस्यहरु सुनिता परियार, कुल प्रसाद अधिकारी, दिलु पुन, देवी अधिकारी, केशु गुरुङ्ग, शोभामोहन लम्साल, बलराम पौडेलका साथै वडा स्तरको मानव अधिकार समूहको सदस्यहरु समेतको उपस्थिति रहेको थियो ।

photo 081-2-1 kaski

इन्सेक गण्डकी प्रदेश कार्यालय, पोखरा ।