इन्सेक गतिविधिहरू

मध्यविन्दु नगरपालिकामा अनौपचारिक क्षेत्र सेवा केन्द्र (इन्सेक) द्वारा गठित मानव अधिकार समूहको बैठक भदौ ३० गते सम्पन्न गरिएको छ ।

समूहका अध्यक्ष रामप्रसाद भट्टराईको अध्यक्षता बसेको बैठकले गत वर्ष मानव अधिकार समूहबाट गरिएका कार्यहरुको समीक्षा गर्दै यस वर्ष गरिने कार्यहरुको बारेमा छ्लफल गरिएको थियो ।

समूहको बैठकले मध्यविन्दु नगरपालिकामा मानव अधिकार प्रवर्धनका लागि विनियोजन गरिएको बजेटबाट कार्यक्रम सञ्चालन गर्न नगरपालिकासँग सम्झौताका लागि माग गर्ने निर्णय गरेको छ । बैठकले नगरभित्र रहेका विद्यालयहरुको दिवा खाजा लगायत सरसफाई र शैक्षिक अवस्थाको अवलोकन गर्ने, नगर अस्पतालको अनुगमन गर्ने निर्णय गरेको छ ।

इन्सेक सहजकर्ता राजु चापागाईले यस वर्ष इन्सेकबाट मध्यबिन्दुका लागि तय भएका कार्यक्रमको बारेमा जानकारी गराउँदै गत वर्ष समूहबाट गरिएका राम्रा कार्यहरूको निरन्तरता दिन अनुरोध गर्नुभएको थियो ।

दयाराम आचार्य