इन्सेक गतिविधिहरू

अनौपचारिक क्षेत्र सेवा केन्द्र (इन्सेक)द्वारा सञ्चालित मानव अधिकारमैत्री वातावरणका लागि उत्तरदायित्व प्रवर्धन कार्यक्रम अन्तर्गत चैत २४ गते खरेलथोकमा सार्वजनिक सुनुवाइ कार्यक्रम गरिएको छ । भुकम्पपीडितको अवस्था र पूनर्निर्माण विषयमा गरिएको सार्वजनिक सुनुवाइमा पीडितहरूले भुकम्पपछिको अवस्थाका विषयमा जानकारी गराएका थिए ।

सहभागीले पुनर्निर्माण सर्वेक्षण छुटेको, नाम ननिस्किएको, निस्सा नम्बर उल्लेख नभएको, नाम नमिलेको, एकभन्दा बढी घरधनी भएको, त्रुटीपूर्ण विवरण, जग्गाको स्वामित्व नभएको र जग्गा एकभन्दा बढीको स्वामित्वमा रहेको भन्ने गुनासो गरेका छन् ।

पुनर्निर्माण प्राधिकरणका अनुसार काभ्रेपलाञ्चोक जिल्लामा नाम प्रकाशन भएका लाभग्राहीको संख्या ६७ हजार ७ सय ११ रहेको छ । जसमा ६२ हजार ८ सय ५८ जनासँग सम्झौता भएको छ । यस जिल्लामा २१ हजार ९ सय ४९ ओटा गुनासो दर्ता भएका छन् ।

२० हजार गुनासो सूचना व्यवस्थापन प्रणालीमा इन्ट्री भएको र राष्ट्रिय पुनर्निर्माण प्राधिकरणबाट सुनुवाइ भइआएका गुनासो सङ्ख्या ८ हजार ३ सय २८ रहेको छ । यस जिल्लामा भूकम्पबाट ३ सय २७ जनाको मृत्यु भएको थियो । सार्वजनिक सुनुवाइमा १ सय २९ जनाको सहभागिता रहेको थियो ।

भोजराज तिमल्सिना