भक्तपुरका पत्रकारद्वारा सुरक्षाको चिन्ता
भक्तपुरका क्रियाशील पत्रकारहरूले निष्पक्ष रूपमा गरिने समाचार सङ्कलनका क्रममा सुरक्षा चुनौती थपिँदै आएपछि सुरक्षाको माग गरेका छन् ।
अनौपचारिक क्षेत्र सेवा केन्द्र (इन्सेक) क्षेत्रीय कार्यालय, काठमाडौँ, नेपाल पत्रकार महासङ्घ भक्तपुर र क्रियाशील पत्रकार मञ्च भक्तपुरले असार १३ गते आयोजना गरेको "पत्रकार र सुरक्षा" विषयक मिडिया साझेदारी बैठकमा सहभागी पत्रकारहरूले सुरक्षाको माग गरेका हुन् ।
उनीहरूले द्वन्द्वकालमा जस्तै अहिले पनि निष्पक्ष रूपमा समाचार सङ्कलन र सम्प्रेषणका क्रममा विरोधी पक्षद्वारा जागिर खोसिदिने, कुटपिट गर्नेदेखि ज्यान मार्ने र गाउँ निकाला गर्नेसम्मको धम्की आएको भन्दै सुरक्षाको माग गरेका हुन् ।
कार्यक्रममा नेपाल पत्रकार महासङ्घ भक्तपुरका अध्यक्ष पुष्कर बुढाथोकीले पैसा र बलको आडमा पत्रकारलाई धम्क्याउने प्रवृत्ति बढेको बताउँदै सुरक्षित भएर पत्रकारिता गर्ने वातावरण सृजना हुनुपर्नेमा जोड दिए ।
क्रियाशील पत्रकार मञ्चका अध्यक्ष रमेश गिरीले पत्रकार माथि हातपात हुने र धम्की आउने कार्यको जानकारी गराएपछि सम्बन्धित सञ्चार गृह, नेपाल पत्रकार महासङ्घ, प्रशासन र सरकारले सञ्चारकर्मीको सुरक्षाका लागि आवश्यक व्यवस्था गर्नुपर्नेमा जोड दिए ।
प्रेस चौतारी भक्तपुरका अध्यक्ष सोम शर्मा (बजगाई)ले पत्रकार माथि हुने आक्रमण र धम्कीलाई पत्रकार महासङ्घले लुकाएर राख्न नहुने बताउँदै आरोपितलाई कारबाही गराउनेसम्मको पहलकदमी लिनुपर्ने बताए ।
कार्यक्रममा लोकतान्त्रिक छापामाध्यम राष्ट्रिय समाजका अध्यक्ष पेशल आचार्यले पत्रकार माथि भएको आक्रमण र धम्कीका बारेमा जानकारी गराउँदा पनि प्रहरी, प्रशासनले जिम्मेवारी बहन नगर्दा दण्डहीनता बढेको बताए ।
इन्सेक क्षेत्रीय कार्यालय काठमाडौँका प्रलेख अधिकृत राजु पासवानले समाचार लेखेकै भरमा पत्रकार माथि हुने हातपात र धम्कीका विरूद्ध लाग्न र उनीहरूलाई कारबाही गर्न बाध्य पार्न प्रहरी प्रशासनलाई दबाव दिने कार्यका लागि पत्रकारहरू एकजुट हुनुपर्नेमा जोड दिए ।
सविना केसी
सम्बन्धित इन्सेक गतिविधिहरू
बाल अधिकार समूहद्वारा लैङ्गिक हिंसा विरुद्ध सचेतनामूलक सडक नाटक प्रदर्शन
मध्यविन्दुमा रहेको नेपाल लोक सेवा माध्यमिक विद्यालयमा इन्सेकद्वारा गठन भएको बाल अधिकार समूहले लैङ्गिक हिंसा विरुद्धको १६ दिने अभियानको अवसरमा मङ्सिर १६ गते विद्यालय परिसरमा सचेतनामूलक सडक नाटक प्रदर्शन गरेको हो…
मानवअधिकार समूहको प्रदेशस्तरीय परिचालन बैठक सम्पन्न
अनौपचारिक क्षेत्र सेवा केन्द्र (इन्सेक) द्वारा कास्की को मादी गाउँपालिका र माछापुच्छ्रे गाउँपालिका साथै नवलपुरको देवचुली नगरपालिका र मध्यविन्दु नगरपालिकामा गठित मानवअधिकार समूहको प्रदेशस्तरीय परिचालन बैठक ०८० मङ्सिर १६ गते…
लैगिंक हिंसा विरूद्धको अभियानको अवसरमा मानव बेचबिखन तथा ओसार पसार सम्बन्धी सचेतना मूलक सडक नाटक प्रदर्शन
कपिलवस्तु नगरपालिका– ३ स्थित श्री यशोधरा मावि तौलिहवामा इन्सेकद्वारा गठित बाल अधिकार चेतना समूह र मानव अधिकार समूह कपिलवस्तुको आयोजना , कपिलवस्तु नगरपालिका– १ र ३ को वडा कार्यालयको समन्वयमा…
बालअधिकार समूहको प्रदेशस्तरीय सन्जाल बैठक सम्पन्न
अनौपचारिक क्षेत्र सेवा केन्द्र (इन्सेक) द्वारा गठित कास्की र नवलपुरका बालअधिकार समूहको प्रदेशस्तरीय सन्जाल बैठक ०८० मङ्सिर १६ गते पोखरामा सम्पन्न भएको छ । बैठकमा बालअधिकार समूहका गण्डकी प्रदेशका अध्यक्ष…
लैङ्गिक विभेद विरुद्ध सचेतना मुलक नाटक प्रदर्शन
अनौपचारिक क्षेत्र सेवा केन्द्र (इन्सेक) बागमती प्रदेशले बाल अधिकार कार्यक्रम सञ्चालन गर्न राक्सिराङ गाउँपालिका-३, पलासेस्थित सूर्योदय माध्यमिक विद्यालयको बाल अधिकार समूहले ०८० मङ्सिर १५ गते लैङ्गिक विभेद विरुद्ध सचेतना मुलक…
