इन्सेक गतिविधिहरू

अनौपचारिक क्षेत्र सेवा केन्द्र (इन्सेक) बागमती प्रदेशद्वारा मनहरी गाउँपालिका-४ स्थित श्री पशुपति माध्यामिक विद्यालयमा गठित बाल अधिकार सचेतना समूहले छुवाछुत तथा लैङ्गिक हिंसासम्बन्धी ०८० असार ८ गते चैनपुरमा सडक नाटक प्रदर्शन गरेको छ ।

उक्त नाटक प्रदर्शनमा लैङ्गिक विभेद तथा जातीय छुवाछुत, जस्ता समस्या रहेकाले समस्यासँग सरोकार राख्ने सबैको पहिचान गर्दै समस्याहरू समाधानका लागि कार्ययोजना बनाई काम गर्ने बाल अधिकार समूह अध्यक्ष सजल गौतमले बताउनु भयो ।

हिंसा अन्त्य गर्न र छुवाछुत न्यूनीकरणका लागि सबैजना लाग्नुपर्ने श्री पशुपति माध्यामिक विद्यालयमा गठन भएको प्रद्यानाध्यापक भानुभक्त आचार्यले उल्लेख गर्नुभयो । सबै बालबालिकाले सबैमा जनचेतना जगाउनुनै समाजमा सकारात्मक सन्देश गएको प्रद्यानाध्यापक आचार्यले बताउनु भयो ।

बाल अधिकार समूहद्वारा महिला हिंसा र मानव बेचबिखनसम्बन्धी सडक नाटक प्रदर्शनमा बाल अधिकार समूह अध्यक्ष सजल गौतम, श्री पशुपति माध्यामिक विद्यालयका प्रधानाध्यापक भानुभक्त आचार्य, सहायक प्रद्यानाध्यापक शुशिल गौतम, शिक्षक, विद्यार्थी, अभिभावक लगायत स्थानीयको सहभागिता रहेको थियो भने कार्यक्रमको सहजिकरण इन्सेककी सहजकर्ता सलिना गौतमले गर्नुभएको थियो ।

पुष्पराज अधिकारी