बाल अधिकार सचेतना समूहद्वारा सडक नाटक प्रदर्शन
अनौपचारिक क्षेत्र सेवा केन्द्र (इन्सेक) द्वारा जनता माध्यमिक विद्यालय, रामपुर जमुवामा गठित बाल अधिकार सचेतना समूहका बालबालिकाहरूले ०८० मङ्सिर १२ गते शम्भुनाथ नगरपलिका–१० लहरनिया टोलमा सडक नाटक प्रदर्शन गरेका छन् ।
बाल अधिकार सचेतना समूहले शिक्षा र बाल अधिकार क्षेत्रमा देखिएका असमानता तथा विभेद र बाल बिवाह, महिला हिंसा तथा महिलाविरुद्ध हुने सबै किसिमका भेदभाव विरुद्ध जनचेतनामूलक सडक नाटक प्रदर्शन गरेका हुन । असमान व्यवहार तथा विभेदले मानव जीवनमा पर्ने असरलाई समेत बालबालिकाहरूले प्रस्तुत गरे । नाटकको माध्यमद्वारा बालबालिकाहरूले स्थानीय समुदाय, समाजसेवी, शिक्षक तथा सरोकारवाला निकायहरूको ध्यानाकर्षण गराए ।
कार्यक्रममा सहभागी बिना खगंले सचेतनामूलक कार्यक्रमबाट महिलामा हुने सबै खालको हिंसाप्रति नागरिक समाज सचेत हुने र कानुनले दिएको अधिकार बारे जानकार हुने बताउनु भयो । सहभागी बिन्दा देवी मण्डलले एक दिन अगावै कार्यक्रम बारे जानकारी र प्रचार भए सहभागिता बढ्ने बताउनु भयो ।
कार्यक्रम पश्चात बालबालिकाहरूले आफ्नो र समुदायका बालबालिकाहरूको अधिकार बारे बुझ्ने र बुझाउन सक्ने भनी संरक्षक शिक्षक सुनिल कुमार चौधरीले मन्तव्य राख्नु भयो । सडक नाटकलगायत चेतनामूलक कार्यक्रमले मानव अधिकार, बाल अधिकार, महिला हिंसाबारे मानसिक र बौद्धिक विकास हुने मानव अधिकार समूहकी उपाध्यक्ष देवीमाया भट्टराईले बताउनु भयो ।
सडक नाटक प्रदर्शनमा बाल अधिकार सचेतना समूहकी अध्यक्ष सन्तोषी कुमारी साह, प्रितिका चौधरी, स्वस्तिका सरदार, संस्कृति चौधरी, पिंकी भगत, खुश्बू चौधरी, ऋतिका चौधरी, आकाश चौधरी, रूपेश चौधरी, काजल मण्डल, कृष्ण सरदार, अमन चौधरी, दिपेन चौधरी, श्रवण मण्डल, अदिती चौधरीलगायतले भूमिका निर्वाह गर्नुभएको थियो ।
उक्त कार्यक्रममा मानव अधिकार समूहका अध्यक्ष पुलकित भगत, शिक्षक अमरेन्द्र कुमार मण्डल, समुदायका अगुवा, बिद्यार्थी तथा सप्तरी जिल्ला सहजकर्ता अजय परियार लगायतको उपस्थिती रहेको थियोे ।
मनोहरकुमार पोखरेल
सम्बन्धित इन्सेक गतिविधिहरू
इन्सेक जिल्ला प्रतिनिधि मल्ल सम्मानित
मानव अधिकार र श्रमजीवि पत्रकारको अधिकारका लागि महत्त्वपूर्ण भूमिका खेलेको भन्दै इन्सेक जिल्ला प्रतिनिधि कालिबहादुर मल्ललाई प्रेस चौतारी नेपाल कालिकोटले सम्मानित गरेको छ । कालिकोट जिल्लामा बसेर मानव अधिकार रक्षकका…
बालविवाह विरुद्ध सडक नाटक प्रदर्शन
इन्सेकद्वारा गठित जनज्योति बाल अधिकार समूह बराहताल गाउँपालिका–५, बड्डीचौरको आयोजना, बराहताल मानव अधिकार समूह, जनज्योती माध्यामिक विद्यालय बराहताल गाउँपालिका–५ बड्डीचौरको समन्वय र अनौपचारिक क्षेत्र सेवा केन्द्र (इन्सेक) कर्णाली प्रदेशको आर्थिक…
बाल अधिकार सचेतना समूह परिचालन कोष हस्तान्तरण
जानकी गाउँपालिका–४ मा रहेको जानकी माध्यमिक विद्यालयमा इन्सेकले ०८१ माघ २५ गते बाल अधिकार सचेतना समूह परिचालन कोष हस्तान्तरण गरेको छ । उक्त बाल अधिकार समूहले बाल अधिकार सम्बन्धी हाजिरी…
गुल्मीमा विद्यालय बाहिरका २ सय ४४ किशोरीले एचपिभी खोप लगाउँदै !
तम्घासका आठ सडक बालिकालाई पाठेघरको मुखको क्यान्सर विरुद्धको एचपिभी खोप लगाइएको छ । रेसुङ्गा नगरपालिकाको स्वास्थ्य संयोजक मञ्जु घर्ति मगरका अनुसार जन्मदर्ता नभएका र विद्यालयभन्दा बाहिर रहेको बालिकाहरूलाई खोप लगाइएको…
मानव अधिकार रक्षकको सुरक्षाका लागि कानुन निर्माण गर्ने मुख्यमन्त्रीको प्रतिबद्धता
लुम्बिनी प्रदेशका मुख्यमन्त्री चेतनारायण आचार्यले मानव अधिकार रक्षकहरूको सुरक्षा र संरक्षणका लागि कानुन निर्माणका लागि पहल गर्ने प्रतिबद्धता जनाउनु भएको छ । अनौपचारिक क्षेत्र सेवा केन्द्र (इन्सेक) ले तयार पारेको…