इन्सेक गतिविधिहरू

अनौपचारिक क्षेत्र सेवा केन्द्र (इन्सेक) तथा बाल अधिकार सचेतना समूहको आयोजनामा जानकी गाउँपालिका– ६ भाटनपुर्वास्थित श्री नेपाल राष्ट्रिय माविमा  असोज २२ गते बाल अधिकार सचेतना समूहको पुर्नगठन सम्पन्न भएको छ ।

अंकिता धोबीको अध्यक्षतामा २१ सदस्यीय समूह पुनरगठन गरिएको हो । जसमा उपाध्यक्ष अल्ताफ सल्मानी, सचिव आशाराम यादव, सह सचिवमा मुस्कान दर्जी, कोषध्यक्षमा सेजल गुप्ता रहेको संरक्षक शिक्षक शिला श्रेष्ठले बताउनु भयो ।

समूहले वातावरणसम्बन्धी चित्रकला प्रतियोगिता गर्ने , समूहको बैठक प्रत्येक त्रैमासिक बस्ने, मासिक भित्रेपत्रिका प्रकाशन गर्ने, अतिरिक्त क्रियाकलाप विद्यालयको वार्षिक योजना अनुसार गर्ने, विद्यार्थी, विद्यालय व्यवस्थापन समिति र शिक्षकबिच अन्तरक्रिया बैठक गर्ने, सडक नाटक मङ्सिर र माघ महिनामा गरी दुईपटक गर्ने जस्ता कार्ययोजना बनाएको समूह सचिव आशाराम यादवले बताउनु भयो ।

इन्सेकले शिक्षा, स्वास्थ्य, लैंगिक विभेदविरूद्ध, वातावरण अधिकार लगायतका विषयमा उक्त विद्यालयमा विगत एक वर्षदेखि बाल अधिकार सचेतना समूह मार्फत कार्यक्रम चलाउँदै आएको छ ।

इन्सेक लुम्बिनी प्रदेश कार्यालय, नेपालगञ्ज