इन्सेक गतिविधिहरू

अनौपचारिक क्षेत्र सेवा केन्द्र (इन्सेक) सुदूरपश्चिम प्रदेश कार्यालय, धनगढीको आयोजनामा सुदूरपश्चिम प्रदेशस्तरीय बाल अधिकर चेतना समूहको बैठक ०८१ माघ २ गते धनगढीमा सम्पन्न भएको छ ।

इन्सेक सुदूरपश्चिम प्रदेश कार्यालय, धनगढीका प्रलेख अधिकृत कृष्णबहादुर विश्वकर्माले बाल अधिकार चेतना समूहले विद्यालयमा छुट्टै पहिचान बनाउन र विद्यार्थीहरुले पठनपाठनका साथै अतिरिक्त क्रियाकलापसँगै वातावरण संरक्षणका लागि अगाडि बढ्न आग्रह गर्नु भयो ।

इन्सेक सुदूरपश्चिम प्रदेश कार्यालय, धनगढीका कार्यक्रम फोकल पर्सन राजकुमार चौधरीेले बाल अधिकार चेतना समूहका पदाधिकारीहरुले तीन महिनामा गरेका कामको अनुभव आदान प्रदान गर्ने र काम गर्दा आइपरेका समस्याको समाधानका उपाय अपनाउन बैठकको आायोजना गरेको बताउनु भयो ।

बाल अधिकार चेतना समूहकी अध्यक्ष निशा सञ्ज्यालले विद्यालयमा पठनपाठन वाहेक अतिरिक्त क्रियाकलाप अन्तर्गत, सडक नाटक, वक्तित्वकला प्रतियोगित र वातावरण संरक्षणको लागि पहल गर्दैआएको बताउनु भयो ।

राज्यको नीति अनुसार एक विद्यालय एक नर्सको व्यवस्था गर्नका लागि नगर र गाउँपालिकासँग मागदावी गर्ने, स्थानीय  स्वास्थ्य चौकी र नगरअस्पतालबाट दिइने सेवाको बारेमा जानकारी लिने, विद्यालयलाई छात्रामैत्री बनाउन विद्यालयमा महिनावरी भएको अवस्थामा वितरण गरिने सेनिटरीप्याड वितरणको जिम्मेवारी महिला शिक्षिकालाई दिन पहल गर्न आगामि योजना रहेको उहाँले बताउनु भयो ।

मैनामोती चौधरी