बाल अधिकार चेतना समूहको कार्ययोजना निर्माण कार्यक्रम सम्पन्न

  ०७८ असोज १६ गते

अनौपचारिक क्षेत्र सेवा केन्द्र (इन्सेक) दोलखाको आयोजनामा कुटीडाँडा माध्यमिक विद्यालयस्तरिय बाल अधिकार चेतना समूहको वार्षिक कार्ययोजना निर्माण कार्यक्रम असोज १४ गतेसम्पन्न भयो ।

मानव अधिकार प्रवर्धन र संरक्षणका लागि राज्यको जवाफदेहिता तथा जनताको सहभागिता अभिवृद्धि कार्यक्रम अन्तर्गत बाल अधिकार चेतना समूहको वर्षिक कार्ययोजन निर्माण गरेको हो ।

photodolakha20780616कार्यक्रममा कुटीडाँडा माविका प्रधानाध्यापक शंकरलाल श्रेष्ठले बाल अधिकार चेतना समूह गठन गरी वर्षिक कार्ययोजना निर्माणले बालबालिकामा आफ्नै पहलमा अतिरिक्त क्रियाकलाप गर्न प्रेरित गर्ने बताउनुभयो ।

प्रधानाध्यापक श्रेष्ठले बालबालिका आफ्नै पहलमा वार्षिक कार्ययोजना निर्माण र त्यसको कार्यान्वयन गर्ने हौसला प्रदान मात्र गरेको छैन, विद्यालयका अन्य गतिविधिमा समेत सकारात्मक सोचका साथ लागि पर्न सहयोग पुग्ने बताउनु भयो ।

बाल अधिकार चेतना समूहको संरक्षक शिक्षक कल्पना पौड्यालले इन्सेकको सहयोगमा बाल अधिकार चेतना समूहले आफ्नो वार्षिक कार्यतालिका निर्माण गरी कार्यान्वयनले शैक्षिक गतिविधिमा थप सहयोग पुगेको र अपनत्वको भावना विकास भै जागरण अभियान सञ्चालन गर्ने आशा व्यक्त गर्नुभयो ।

बाल अधिकार चेतना समूहका विप्लव घिमिरेको अध्यक्षता तथा प्रधानाध्यापक शंकरलाल श्रेष्ठको प्रमुख आतिथ्यता, संरक्षक शिक्षक कल्पना पौड्यालको आतिथ्यतामा भएको कार्यक्रमको बाल अधिकार चेतना समूहका सचिव राजेश मुग्रातीले सञ्चालन र स्वागत सुष्मा मुग्रातीले गर्नुभएको थियो ।

कार्ययोजनामा मासिक भित्ते पत्रिका प्रकाशन, कक्षगत अङ्ग्रेजी तथा नेपाली हस्तलिखित प्रतियोगिता, अङग्रेजी र नेपाली वक्तृत्वकला प्रतियोगिता, अङ्ग्रेजी भाषा बोलाई प्रतियोगिता, हाजिरी जवाफ प्रतियोगिता, वादविवाद प्रतियोगिता, घम्ने मेच प्रतियोगिता लगायतका कार्यक्रम समाबेश गरिएको छ ।

प्रतियोगिताहरुमा कक्ष १ देखि १० सम्मका छात्र छात्रालाई फरकफरक कार्यक्रमको आयोजना गरी सबैलाई समेट्ने कार्ययोजन निर्माण भएको बाल अधिकार चेतना समूहका अध्यक्ष घिमिरेले बताउनु भयो ।

उद्धव पोखरेल