बाल अधिकार क्षमता अभिवद्धि तालिम सम्पन्न

  ०७३ माघ २६ गते

इन्सेक क्षेत्रीय कार्यालय नेपालगञ्जको आयोजनामा इएलपी कार्यक्रम अन्तर्गत बाल अधिकार चेतना समूहका सदस्यहरूका लागि माघ २४ गतेदेखि सुरु भएको क्षमता अभिवद्धि तालिम माघ २६ गते सम्पन्न भएको छ ।

तालिममा इन्सेक अभियान, बाल अधिकार, बाल अधिकारको वर्तमान अवस्था, विकासक्रम, बालमैत्री विद्यालय र दण्डरहीत शिक्षा, विद्यालय तहमा बाल अधिकार र मानव अधिकार शिक्षाको अवधारणालगायतका विषयमा तालिम दिइएको थियो ।

कार्यक्रममा इन्सेक मध्यपश्चिमाञ्चल क्षेत्रीय कार्यालयका संयोजक भोला महतले आफ्नो अधिकारको बारेमा सचेत नभएसम्म कुनैपनि बालबालिकाहरूको समग्र विकास हुन नसक्ने बताए ।

तालिममा बाँके, बर्दिया र दाङ जिल्लाका १२ वटा विद्यालयका ३६ जना बालबालिकाहरूको सहभागिता रहेको थियो ।

विनोद पाण्डे