बालश्रम विरुद्ध सचेतना कार्यक्रम
"Lets act on our commitment: End Child labour" अर्थात "हाम्रो प्रतिबद्धतामा कार्य गराैं, बालश्रम अन्त गरौं" भन्ने मुल नाराका साथ डाक्नेश्वरी नगरपालिकास्थित हिरा फेकनी माध्यमिक विद्यालयमा ०८१ जेठ ३० गते बाल अधिकार सचेतना कार्यक्रम गरेर बालश्रम विरूद्वको विश्व दिवस मनाइएको छ ।
बाल अधिकार सचेतना समूह डाक्नेश्वरी नगरपालिका र बाल अधिकार सचेतना समूहको क्षेत्रमा क्रियाशिल अनौपचारिक क्षेत्र सेवा केन्द्र (इन्सेक) को समन्वयमा बाल अधिकार सचेतना कार्यक्रम गरी बालश्रम विरुद्धको विश्व दिवस मनाइएको हो ।
कार्यक्रममा बोल्नु हुँदै इन्सेक सप्तरी सहजकर्ता अजय परीयारले इन्सेकको परियोजनाले गर्ने काम, कर्तव्य र नेपालको संविधानले बालबालिकाहरूलाई दिएको अधिकारबारे जानकारी गराउनु भयो ।
कार्यक्रममा मधेस प्रदेश स्तरीय बाल अधिकार सचेतना समूहका उपाध्यक्ष मनिषा कुमारी रजकले बाल श्रम विरुद्धको दिवसको अवसरमा डाक्नेश्वरी नगरपालिकाका बालबालिकालाई होटल र ईट्टा उद्योग जस्ता ठाउँमा कामकाजमा नलगाईकन बालबालिकालाई शिक्षाको लागि प्रेरित गर्नुपर्ने औल्याउनु भयो ।
कार्यक्रममा संरक्षण शिक्षक मनोज कुमार चौधरीले इन्सेकले विभिन्न क्रियाकलापसहित जनचेतनामूलक कार्यक्रमहरूमा सहभागी गराएर विद्यालयका विधार्थीहरूलाई आफ्नो अधिकार बुझ्न र बुझाउन सकेको बताउनु भयो ।
उक्त कार्यक्रममा हिरा फेकनी माध्यमिक विद्यालयको बाल अधिकार सचेतना समूहका अध्यक्ष अरुण कुमार साहलगायत पदाधिकारी, सदस्यहरूको सहभागिता रहेको थियो ।
मनोहरकुमार पोखरेल
सम्बन्धित इन्सेक गतिविधिहरू
इन्सेक जिल्ला प्रतिनिधि मल्ल सम्मानित
मानव अधिकार र श्रमजीवि पत्रकारको अधिकारका लागि महत्त्वपूर्ण भूमिका खेलेको भन्दै इन्सेक जिल्ला प्रतिनिधि कालिबहादुर मल्ललाई प्रेस चौतारी नेपाल कालिकोटले सम्मानित गरेको छ । कालिकोट जिल्लामा बसेर मानव अधिकार रक्षकका…
बालविवाह विरुद्ध सडक नाटक प्रदर्शन
इन्सेकद्वारा गठित जनज्योति बाल अधिकार समूह बराहताल गाउँपालिका–५, बड्डीचौरको आयोजना, बराहताल मानव अधिकार समूह, जनज्योती माध्यामिक विद्यालय बराहताल गाउँपालिका–५ बड्डीचौरको समन्वय र अनौपचारिक क्षेत्र सेवा केन्द्र (इन्सेक) कर्णाली प्रदेशको आर्थिक…
बाल अधिकार सचेतना समूह परिचालन कोष हस्तान्तरण
जानकी गाउँपालिका–४ मा रहेको जानकी माध्यमिक विद्यालयमा इन्सेकले ०८१ माघ २५ गते बाल अधिकार सचेतना समूह परिचालन कोष हस्तान्तरण गरेको छ । उक्त बाल अधिकार समूहले बाल अधिकार सम्बन्धी हाजिरी…
गुल्मीमा विद्यालय बाहिरका २ सय ४४ किशोरीले एचपिभी खोप लगाउँदै !
तम्घासका आठ सडक बालिकालाई पाठेघरको मुखको क्यान्सर विरुद्धको एचपिभी खोप लगाइएको छ । रेसुङ्गा नगरपालिकाको स्वास्थ्य संयोजक मञ्जु घर्ति मगरका अनुसार जन्मदर्ता नभएका र विद्यालयभन्दा बाहिर रहेको बालिकाहरूलाई खोप लगाइएको…
मानव अधिकार रक्षकको सुरक्षाका लागि कानुन निर्माण गर्ने मुख्यमन्त्रीको प्रतिबद्धता
लुम्बिनी प्रदेशका मुख्यमन्त्री चेतनारायण आचार्यले मानव अधिकार रक्षकहरूको सुरक्षा र संरक्षणका लागि कानुन निर्माणका लागि पहल गर्ने प्रतिबद्धता जनाउनु भएको छ । अनौपचारिक क्षेत्र सेवा केन्द्र (इन्सेक) ले तयार पारेको…