इन्सेक गतिविधिहरू

इन्सेकद्वारा गठित जनज्योति बाल अधिकार समूह बराहताल गाउँपालिका–५, बड्डीचौरको आयोजना, बराहताल मानव अधिकार समूह, जनज्योती माध्यामिक विद्यालय बराहताल गाउँपालिका–५ बड्डीचौरको समन्वय र अनौपचारिक क्षेत्र सेवा केन्द्र (इन्सेक) कर्णाली प्रदेशको आर्थिक सहयोगमा ०८१ माघ २६ गते बराहताल गाउँपालिका–५ बड्डीचौरमा बालविवाह विरुद्ध सडक नाट प्रदर्शन गरिएको छ ।

पछिल्लो समय समाजमा बालविवाहका घटनाहरु बढिरहेको र त्यसले सामाजिक, शैक्षिक र आर्थिक रुपमा प्रभाव पारेको भन्दै त्यसको न्यूनिकरणका लागि सडक नाटक प्रर्दशन गरिएको हो । सडक नाटकमा वर्तमान समयमा बालविवाहले बालबालिकामा पारेको असरका विषयमा सचेतना जगाइएको थियो ।

बालबालिकाहरुले बालविवाह गर्नुपर्ने कारणहरु र त्यसमा परिवारको जिम्मेवारीका विषयहरु सडक नाटकमा समेटिएको थियो । प्रस्तुत गरिएको सटक नाटकमा सनिलसिंह सुनार, प्रेम बुढा, लगायत बाल क्लवका अन्य सदस्यहरुले अभिनय गर्नुभएको थियो । त्यस्तै सडक नाटकको सहजिकरण जनज्योति माध्यामिक विद्यालय बड्डीचौरका शिक्षक धनबहादुर बुढाथोकीले गर्नुभएको थियो । सडक नाटक प्रदर्शन कार्यक्रममा बराहताल गाउँपालिकाका जनप्रतिनिधि, विद्यालयका शिक्षक, विद्यार्थी, समाजसेवी र स्थानीयहरुको सहभागिता रहेको थियो ।

जगतदल जनाला विक