बालविवाह न्यूनीकरणका लागि अभिमुखीकरण कार्यक्रम सम्पन्न

अनौपचारिक क्षेत्र सेवा केन्द्र (इन्सेक), कञ्चनपुर र भुवनेश्वरी युवा समूहको संयुक्त आयोजनामा असार ६ गते वेदकोट नगरपालिकामा बालविवाह न्यूनीकरणका लागि अभिमुखीकरण कार्यक्रम सम्पन्न भएको छ ।

Photo20180620Kanchanpur

स्थानीय थारू समुदायको बस्ती रहेको मन्दिरपुर र बसन्तपुरमा हालसम्म बालविवाह हुने गरेका कारण किशोर किशोरीहरूलाई सचेतना गराउने उद्धेश्यले बालविवाह न्यूनीकरणका लागि अभिमुखीकरण कार्यक्रम राखिएको थियो । अभिमुखीकरण कार्यक्रममा मन्दिरपुर र बसन्तपुर टोलका किशोर किशोरीहरूको सहभागिता रहेको थियो ।

कार्यक्रममा बसन्तपुरकी वडघर सिता डगौराले अभिमुखीकरण कार्यक्रमका माध्यमले सचेतना फैलाइदिएकोमा इन्सेकलाई धन्यवाद दिँदै अन्य सचेतनामुलक कार्यक्रमहरू सञ्चालन गरिदिन इन्सेकलाई आग्रह गरेकी छिन् ।

कोमलनिरन्जन भाट