इन्सेक गतिविधिहरू

इन्सेक सुदूरपश्चिमाञ्चल क्षेत्रीय कार्यालय धनगढीको आयोजनामा बाल अधिकार चेतना समूहका सदस्यहरूका लागि आयोजित तीन दिने क्षमता अभिवृद्धि तालिम फागुन ९ गते देखि दिपायलमा सुरु गरिएको छ ।

तालिम सुरु गर्दै इन्सेक सुदूरपश्चिमाञ्चल क्षेत्रीय कार्यालयका संयोजक खडकराज जोशीले समाजको तहमा सानासाना कुराहरूबाटै बाल अधिकारसम्बन्धी चेतना दिन सकिने बताए ।

तालिममा डडेल्धुरा जिल्लाका चार वटा विद्यालयका १२ जना र डोटीका चार वटा विद्यालयका १२ जना गरी २४ जना बालबालिकाको सहभागिता रहेको छ ।

तालिममा बाल अधिकार र कर्तव्य, बाल अधिकारको ऐतिहासिक पृष्ठभुमि, बाल अधिकारसम्बन्धी राष्ट्रिय तथा अन्तर्राष्ट्रिय कानुन, बाल दुर्व्यवहार, बालमैत्री विद्यालय, दण्डरहित शिक्षालगायतका विषयमा छलफल गरिने संयोजक जोशीले बताए ।

दीर्घ खत्री