प्रदेश स्तरीय मानवअधिकार समूह परिचालन बैठक सम्पन्न
अनौपचारिक क्षेत्र सेवा केन्द्र (इन्सेक)को आयोजनामा असार १६ गते गण्डकी प्रदेश स्तरीय मानवअधिकार समूह परिचालन बैठक सम्पन्न भएको छ ।
दुई वर्षअघिदेखि मानवअधिकारका बारेमा काम गर्दै आएको समूहले गाउँगाउँमा शिक्षा, स्वास्थ्य, जातीय विभेद लगायका मानवअधिकारसँग सम्बन्धि समस्यालाई निर्मुलीकरण गर्न सहयोग पु र्याउँदै आएको मानव अधिकार समूहले जनाएको छ ।
इन्सेक गण्डकी प्रदेश प्रमुख शिवप्रसाद खकुरेलले मानवअधिकार समूहले समुदायमा पुगेर मानवअधिकारका विषयमा उल्लेखनीय काम गर्न सकेको बताउनुभयो । उहाँले इन्सेकले समूह गठन गरेर पालिकामा जातीय विभेदका विरुद्ध सचेतना कार्यक्रमहरु गरेको बताउनुभयो । ‘यो समूहले स्थानीयहरुमा क्षमता विकास गरेको छ । र पालिकामा हिजो भएका थुप्रै समस्याहरु आज केही हदसम्म निर्मूलीकरण भएको छ । अहिले स्थानीय सरकार हिजो भन्दा आज सचेत भएको छ,’ प्रमुख खकुरेलले भन्नुभयो ।
मानवअधिकार समूहले पालिकालाई सचेत गराउने, स्थानीय सरकारदेखि केन्द्रलाई ध्यानाकर्षण गराएको छ । ‘मानवअधिकार समूहले अझै धेरै काम गर्न आवश्यक छ । आगामी दिनमा ती काम पनि पूरा हुने बोटोमा लम्किएको छ,’ खकुरेलले भन्नुभयो ।
कार्यक्रममा बोल्दै प्रदेश मानवअधिकार समूह मध्यविन्दु नगरपालिकाका मानवअधिकार समूहका अध्यक्ष रामप्रसाद भट्टराईले अहिले पालिकाले सचेतनापछि स्वास्थ्यका क्षेत्र र फोहोरमैला व्यवस्थापनमा उल्लेखनीय प्रगति भएको बताउनुभयो ।
मानव अधिकार समूहका सदस्य खेम पुरीले यस्तो संस्थाहरुले झक्झकायो भने स्थानीय सरकारले काम गर्ने रैछ भन्ने देखिएको बताउनुभयो ।
नवलपुरको देवचुली नगरपालिका मानवअधिकार समूहका अध्यक्ष तथा प्रदेश सचिव कृष्ण विश्वकर्माले आगामी एक वर्षको अवधिमा गर्न नसकिएको काम यो बाँकी समयमा गर्ने प्रतिवद्धता व्यक्त गर्नुभयो ।
मानव अधिकार समूहका प्रदेश सहसचिव ऋषिराम सापकोटाले विद्यालय स्तरमा अझै सुधार गर्नुपर्ने र पालिकाहरुले अझै धेरै काम गर्न आवश्यक रहेको बताउनुभयो । पालिकामा अझै वडामा विवाह दर्ता नहुने, बालबालिकाको जन्मदर्तामा समस्या, फोहोरमैला व्यवस्थापनमा समस्या र सहुलीयत औषधी उपचारमा समस्या रहेको बताउनुभयो ।
माछापुच्छे गाउँपालिकाकी प्रेमकुमारी अधिकारीले मानवअधिकार मैत्री पालिका बनाउन आफूहरुले काम गरेको बताउनुभयो ।
सन्जय रानाभाट
सम्बन्धित इन्सेक गतिविधिहरू
गण्डकीमा बाल अधिकार समूहको प्रदेशस्तरीय सञ्जाल बैठक सम्पन्न
अनौपचारिक क्षेत्र सेवा केन्द्र (इन्सेक)को आयोजनामा गण्डकी प्रदेशमा बाल अधिकार समूहको प्रदेशस्तरीय सञ्जाल बैठक फागुन ४ गते सम्पन्न भएको छ । बैठकमा बाल अधिकार समूहहरूको कार्यप्रगति समीक्षा गर्दै आगामी योजनाका…
गण्डकीमा मानव अधिकार समूह परिचालन बैठक सम्पन्न
अनौपचारिक क्षेत्र सेवा केन्द्र (इन्सेक)को आयोजनामा प्रदेशस्तरीय मानव अधिकार समूह परिचालन बैठक फागुन ४ गते सम्पन्न भएको छ । बैठकमा समूहको कार्यप्रगति समीक्षा गर्दै आगामी योजनाका विषयमा छलफल गरिएको थियो…
मानव अधिकार समूहद्वारा वडालाई ध्यानाकर्षण पत्र
अनौपचारिक क्षेत्र सेवा केन्द्र (इन्सेक) लुम्बिनी प्रदेशद्वारा कपिलवस्तु नगरपालिकामा गठित मानव अधिकार समूहले कपिलवस्तु नगरपालिकाका-१ का वडा अध्यक्ष जाहिंद खानलाई फाल्गुन १ गते ध्यानाकर्षण पत्र बुझाएको छ । मानव अधिकार…
बाल अधिकार सचेतना समूहद्वारा कार्ययोजना बैठक सम्पन्न
अनौपचारिक क्षेत्र सेवा केन्द्र (इन्सेक) मधेस प्रदेशद्वारा सप्तरीको डाक्नेश्वरी नगरपालिकास्थित श्री हिरा फेक्नी माध्यमिक विद्यालयमा गठित बाल अधिकार सचेतना समूहले ०८१ माघ २४ गते कार्ययोजना बैठक सम्पन्न गरेको छ ।…
जिल्लास्तरीय लैङ्गिक हिंसा नियन्त्रण सञ्जालमा इन्सेक चयन
जिल्लास्तरीय लैङ्गिक हिंसा नियन्त्रण सञ्जालमा अनौपचारिक क्षेत्र सेवा केन्द्र (इन्सेक) ताप्लेजुङलाई सदस्यमा चयन गरिएको छ । सञ्जालको सदस्यमा इन्सेक ताप्लेजुङ, प्रतिनिधि एलिना दियाली चयन हुनु भएको हो । जिल्ला प्रहरी…