इन्सेक गतिविधिहरू

ज्यामरुङ गाविस सचिव भुवल विकले लाभग्राहीको सूचीमा रहेका भूकम्पपीडितलाई पहिलो किस्ताको रकम दिएपछि मात्र छुटेका पीडितहरूको गुनासो सम्बोधन गर्ने बताएका छन् ।

इन्सेक, गाउँ विकास समिति र सहयात्री समाजको संयुक्त आयोजनामा कात्तिक ३० गते ज्यामरुङ गाविसमा आयोजित सार्वजनिक सुनुवाइ कार्यक्रमका गाविस सचिवले सो कुरा बताएका हुन् ।

गाविसमा इन्जीनियरहरूको टोली बसेको र पहिलो किस्ता बुझेकाले प्राविधिकको सल्लाहमा घर निर्माण गर्न सकिने गाविस सचिव विकले जोड दिए ।

राहत वितरणमा अनियमितता भएको, आवश्यकता भन्दा चिनेजानेको वा आफ्नो मान्छेलाई बढी सहयोग गरेकोले अन्य सहयोगी सङ्घसंस्थाले पनि गाविसमा सार्वजनिक सुनुवाइ गर्नु पर्नेमा कार्यक्रमका सहभागीहरूले जोड दिएका थिए ।

नगरिकहरूको गुनासो र गाविसले गरेका कामहरूका बारोमा जानकारी दिनका लागि आयोजित सार्वजनिक सुनुवाइ कार्यक्रममामा स्थानीइहरूको बाक्लो उपस्थिति थियो ।

सीताराम अधिकारी