इन्सेक गतिविधिहरू

अनौपचारिक क्षेत्र सेवा केन्द्र (इन्सेक) धनगढीको आयोजनामा कञ्चनपुरको महेन्द्रनगरमा भदौ २९ गते पत्रकार र मानव अधिकारकर्मीबिच समन्वय बैठक सम्पन्न गरिएको छ ।

जिल्ला बार एशोसिएशन कञ्चनपुरका अध्यक्ष भगीरथ जोशीले कञ्चनपुर जिल्लामा मानव अधिकार उल्लङ्घन तथा हत्या हिंसाका घटनाहरू बढ्दै आएकोप्रति चिन्ता व्यक्त गरे ।

पत्रकारहरूलाई समयसमयमा विभिन्न किसमका धम्कीहरू आउने गरेका कारण पत्रकारिता पेसामा सुरक्षा चुनौती रहेको पत्रकार पुश्कर भट्टले बताए ।

पत्रकार र मानव अधिकारकर्मीहरूबिच समन्वय अभिवृद्धि गर्नु का साथै मानवअधिकार रक्षकहरूको अबस्थाबारे जानकारी लिन समन्वय बैठक आयोजना गरिएको इन्सेक प्रदेश ७ धनगढी कार्यालयका प्रलेख अधिकृत कृष्ण बिकले बताए ।

कोमलनिरन्जन भाट