इन्सेक गतिविधिहरू

अनौपचारिक क्षेत्र सेवा केन्द्र (इन्सेक) को आयोजनामा नेपाल मानव अधिकार वर्ष पुस्तक-२०१८ का लागि सङ्कलित घटनाको प्रकाशन पूर्व अर्धवार्षिक समीक्षा कार्यक्रम सदरमुकाम परासीमा सम्पन्न भएको छ ।

कार्यक्रममा सहभागीहरूले घटना विवरणको सुद्धासुद्धिमा अत्यन्तै चनाखो हुनुपर्ने भन्दै ग्रामीण भेगका ज्यादतीका घटनालाईसमेत उजागर गर्न आग्रह गरेका थिए । उनीहरूले सत्य र तथ्यलाई बढी जोड दिएका थिए ।

जिल्लामा विगत वर्षमा अर्धवार्षिकका तुलनामा यो वर्ष घटनामा वृद्धि भएको छ । अहिलेसम्म ५५ ओटा घटना अभिलेख गरिएको कार्यक्रममा जनाइएको छ । अधिकांश घटना महिला र बालबालिका पीडित भएका छन् । स्थानीय निर्वाचनको कारणले पनि घटना वृद्धि भएको देखाइएको छ ।

नारायण पराजुली