नेपाल मानव अधिकार वर्ष पुस्तक २०२५ प्रकाशन पूर्व वार्षिक समीक्षा सम्पन्न

  ०८१ पुस ४ गते

नेपाल मानव अधिकार वर्ष पुस्तक २०२५ प्रकाशन पूर्व वार्षिक समीक्षा ०८१ पुस ४ गते सम्पन्न भएको छ । अनौपचारीक क्षेत्र सेवा केन्द्र इन्सेकको आयोजनामा सरोकारवालाबीच जिल्लामा भएका मानव अधिकार उल्लङ्घनका घटनाको विषयमा छलफल तथा समीक्षा सम्पन्न भएको हो ।

Photo19122024Pyuthan1

जिल्ला प्रशासन कार्यालयका निमित्त प्रमुख जिल्ला अधिकारी जालन्धर भुसालले मावन अधिकार प्रर्वद्धनमा इन्सेकले खेलेको भूमिकाको प्रशंसा गर्दै थप प्रभावकारी भूमिका निर्वाह गर्न आग्रह गर्नुभयो । उहाँले आगामी दिनमा पनि प्रहरी प्रशासन सहित सरोकारवालासँग समन्वय गरेर मानव अधिकार रक्षाका लागि काम गर्नुपर्ने बताउनु भयो ।

कार्यक्रममा जिल्ला प्रहरी कार्यालय प्युठानका सूचना अधिकारी तथा प्रहरी निरीक्षक केशव केसीले घटनाको अवस्था र प्रकृति हेरेर घटनासँग सम्वन्धित व्यक्तिको गोपनियतामा ध्यान दिनुपर्ने बताउनु भयो । उहाँले जिल्लामा रहेका मानव अधिकारकर्मी तथा पत्रकार उक्त विषयमा संवेदनशिल रहेको र आगामी दिनमा पनि ध्यान दिनुपर्ने बताउनु भयो ।

इन्सेकले सन् २०२४ अवधिमा सङ्कलन गरेको घटनाहरू हत्या घटना दुई ओटा, बलात्कार घटना आठ ओटा, सबै प्रकारको जातीय विभेद घटना एक ओटा र घरेलु हिंसाका घटना ३६ ओटा घटना इन्सेक ले सङ्कलन गरी कार्यक्रमा इन्सेक जिल्ला प्रतिनिधि रविन्द्र पाण्डेले प्रस्तुत गर्नुभएको थियो ।

Photo19122024Pyuthan

रविन्द्र पाण्डे