नेपाल मानव अधिकार वर्ष पुस्तक २०२५ प्रकाशन पूर्व वार्षिक समीक्षा सम्पन्न
गुल्मीमा नेपाल मानव अधिकार वर्ष पुस्तक २०२५ प्रकाशन पूर्व वार्षिक समीक्षा ०८१ पुस ३ गते सम्पन्न भएको छ ।
राष्ट्रिय सभा सदस्य बिष्णु सापकोटको विशेष उपस्थिति रहेको कार्यक्रममा जिल्लाको मानव अधिकार उल्लङ्घन र ज्यादतीका घटनाको बारेमा इन्सेक प्रतिनिधिले प्रतिवेदन प्रस्तुत गर्नुभएको थियो । यस वर्ष गुल्मी जिल्लामा मानव अधिकार उल्लङ्घन र ज्यादतीका घटनामा ५३ जना व्यक्ति पीडित भएको इन्सेकले अभिलेख गर्यो । जसमध्ये बाल अधिकार उल्लङ्घनका तर्फ अन्तरगत पाँच बालिका बलात्कार तथा यौन दुर्व्यवहार घटनामा पीडित भए । महिला अधिकार उल्लङ्घनका घटनामा तीन महिला पीडित भए । एक जना महिलाको हत्या भयो । घरेलु हिंसाबाट ४४ जना महिला पीडित बनेको इन्सेकले अभिलेख गर्यो ।
कार्याक्रममा जिल्ला प्रशासन कार्यालय, जिल्ला प्रहरी कार्यालय, जिल्ला अदालत, नेपाल बार एसोशियसन, कारागार कार्यालय, अधिकारकर्मी एवम् पत्रकारहरूको सहभागीता रहेको थियो । कार्यक्रममा नागरिक समाजका संयोजक पदम प्रसाद पाण्डेयले तीन तहका सरकारको प्राथमिकतामा मानव अधिकार नपर्नु दुखद भएको बताउनु भयो । उहाँले श्रोत र साधनबिना निर्माण भएका नीति कार्यान्वन गर्न नसकेका कारण नागरिकमा चरम निराशाको स्थिति रहेको बताउनु भयो ।
सहायक प्रमुुख जिल्ला अधिकारी हरि प्रसाद गैरेले सरकारले श्रोत र साधन नदिने तर नीति मात्र निर्माण गरेकाले आफूहरू पनि नागरिकका आक्रोश आउने गरेको बताउनु भयो । उहाँले इन्सेकले उठाएका सवै विषयमा आफू सहमत रहेको बताउँदै सकेसम्म कार्यान्यन गरिएको बताउनु भयो ।
जिल्ला कारागार कार्यालय गुल्मीका प्रमुख रेश्मीराज पन्थीले कारागारमा स्वास्थ्यकर्मी नहुँदा कैदीबन्दीको स्वास्थ्य परीक्षणमा परेको प्रभावका बारेमा जानकारी गराउनुभयो । साथै जग्गा अभावको कारण औद्योगिकग्रामको रुपमा अगाडी बढाउन नसकिएको, महिला पुरुषको छुट्टाछुट्टै भेटघाट गर्ने मार्गको अभाव भएको पन्थीले बताउनु भयो ।
शिक्षा विकास तथा समन्वय इकाई प्रमुख थानेश्वर घिमिरेले विद्यालयमा विषय शिक्षक नहुँदा पढाई प्रभावित र शिक्षकहरूले भटाभट राजिनाम दिन थालेकाले समस्या सृजना भइरहेको बताउनु भयो । जिल्ला प्रहरी कार्यालयका इन्स्पेक्टर भुपेन्द्र थापाले प्रहरीले महिला बालबालिकाको क्षेत्रमा भएका मुद्दा र कारबाहीको विषयमा जानकारी दिनुभएको थियो ।
टोपलाल अर्याल
सम्बन्धित इन्सेक गतिविधिहरू
मानव अधिकार समूहद्वारा वडालाई ध्यानाकर्षण पत्र
अनौपचारिक क्षेत्र सेवा केन्द्र (इन्सेक) लुम्बिनी प्रदेशद्वारा कपिलवस्तु नगरपालिकामा गठित मानव अधिकार समूहले कपिलवस्तु नगरपालिकाका-१ का वडा अध्यक्ष जाहिंद खानलाई फाल्गुन १ गते ध्यानाकर्षण पत्र बुझाएको छ । मानव अधिकार…
बाल अधिकार सचेतना समूहद्वारा कार्ययोजना बैठक सम्पन्न
अनौपचारिक क्षेत्र सेवा केन्द्र (इन्सेक) मधेस प्रदेशद्वारा सप्तरीको डाक्नेश्वरी नगरपालिकास्थित श्री हिरा फेक्नी माध्यमिक विद्यालयमा गठित बाल अधिकार सचेतना समूहले ०८१ माघ २४ गते कार्ययोजना बैठक सम्पन्न गरेको छ ।…
जिल्लास्तरीय लैङ्गिक हिंसा नियन्त्रण सञ्जालमा इन्सेक चयन
जिल्लास्तरीय लैङ्गिक हिंसा नियन्त्रण सञ्जालमा अनौपचारिक क्षेत्र सेवा केन्द्र (इन्सेक) ताप्लेजुङलाई सदस्यमा चयन गरिएको छ । सञ्जालको सदस्यमा इन्सेक ताप्लेजुङ, प्रतिनिधि एलिना दियाली चयन हुनु भएको हो । जिल्ला प्रहरी…
अदालतले दिएका आदेश कार्यान्वयन गर्नु सबैको कर्तब्य होः मुख्य न्यायाधीश भट्टराई
उच्च अदालत सुर्खेतका कामयम मुकायम मुख्य न्यायाधीश कृष्णलाल भट्टराईले सार्वजनिक सरोकारका विषयमा अदालतले दिएका आदेश कार्यान्वयन गर्नु सबैको कर्तब्य रहने बताउनुभएको छ । ०८१ माघ ३० गते अनौपचारिक क्षेत्र सेवा…
मानव अधिकार तथा वातावरण अधिकार समूहको प्रदेशस्तरी बैठक सम्पन्न
अनौपचारिक क्षत्र सेवा केन्द्र (इन्सेक) सुदूरपश्चिम प्रदेश कार्यालय, धनगढीको आयोनामा मानव अधिकार तथा वातावरण अधिकार समूहकोे प्रदेशस्तरी बैठक ०८१ माघ ३० गते धनगढीमा सम्पन्न भएको छ । इन्सेक सुदूरपश्चिम प्रदेस…