नेपाल मानव अधिकार वर्ष पुस्तक २०२५ प्रकाशन पूर्व वार्षिक समीक्षा सम्पन्न
नेपाल मानव अधिकार वर्ष पुस्तक २०२५ प्रकाशन पूर्व जिल्लामा वार्षिक समीक्षा कार्यक्रम सम्पन्न गरिएको छ । अनौपचारिक क्षेत्री सेवा केन्द्र इन्सेक रुपन्देहीको आयोजनामा पुस २ गते नेपाल मानव अधिकार वर्ष पुस्तक २०२५ प्रकाशन पूर्व समीक्षा कार्यक्रम सम्पन्न गरिएको हो ।
समीक्षा कार्यक्रममा इन्सेक रुपन्देही जिल्ला प्रतिनिधिले जिल्लाको समग्र मानव अधिकारको अवस्था र इन्सेकले एक वर्षमा गरेका घटनाहरूको सार्वजनिकीकरण गर्नुभएको थियो । इन्सेक रुपन्देहीको विगत एक वर्षको अभिलेख अनुसार जिल्लामा अभिलेखिकरण भएका घटनाहरू जसमा बालबालिका सम्बन्धी बलात्कारका ४६ जना, यौन दुर्व्यवहारका १७ जना गरी जम्मा ६३ जना, महिला सम्बन्धी बलात्कार ३१ जना र बलात्कार प्रयास तीन जना, मानव बेचविखन तथा ओसार पसारका पाँच जना, पारिवारिक हत्या तीन जना, बालक हत्या परिवारिक एक जना, बहुविवाह तीन जना, बालविवाह तीन जना, आत्महत्या दुरुत्साहन एक जना, पारिवारिक हत्या तीन जना र घरेलु हिंसाबाट ६ सय ५९ जना पीडित रहेको छ ।
कार्यक्रममा राष्ट्रिय मानव अधिकार आयोग लुम्बिनी प्रदेशका प्रमुख हरि प्रसाद ज्ञवालीले इन्सेकले लामो समयसम्मदेखि मानव अधिकारको संरक्षण, अभिलेखीकरण गर्दै आएको बताउँदै सरकारले राष्ट्रिय मानव अधिकार आयोगले गरेका सिफारिसहरू कार्यानवयन गर्न नसक्नु दुखद भएको बताउनु भयो । उहाँले मानव अधिकारको संस्कृतिको विकासका लागि राजनीतिक दलहरू संवेदनशिल भएर लाग्नुपर्ने भन्दै मानव अधिकारका निम्ति राजनीतिक दलहरूले मानव अधिकारका निम्ति समय निकाल्न आग्रह गर्नुभयो ।
सशस्त्र प्रहरी वल सीमा डिएसपी मनोज गुरुङ्गले प्रहरी मानवअधिकार संरक्षणको भएकोले मानवअधिकारको संरक्षणका संवेदनशिल भएको बताउँदै मानव अधिकारमा शून्य सहिष्णुता अपनाएर काम गरिरहेको बताउनु भयो ।
नेपाल उच्चबार एशोशिएसन बुटवलका कोषाध्यक्ष निरञ्जना पौडेलले नेपाल एशोशियसनले विभिन्न खालका निःशुल्क कानुनी सेवा दिने गरेको बताउँदै त्यस्तै निःशुल्क न्यायमा पहुँच पुर्याउनका लागि प्रयाय गरिरहेको उल्लेख गर्नुभयो । यहाँले यस्ता विषयमा पनि समेट्न इन्सेकलाई आग्रह गर्नुभयो ।
रीमा बिसी
सम्बन्धित इन्सेक गतिविधिहरू
बाल अधिकार सचेतना समूह परिचालन कोष हस्तान्तरण
जानकी गाउँपालिका–४ मा रहेको जानकी माध्यमिक विद्यालयमा इन्सेकले ०८१ माघ २५ गते बाल अधिकार सचेतना समूह परिचालन कोष हस्तान्तरण गरेको छ । उक्त बाल अधिकार समूहले बाल अधिकार सम्बन्धी हाजिरी…
गुल्मीमा विद्यालय बाहिरका २ सय ४४ किशोरीले एचपिभी खोप लगाउँदै !
तम्घासका आठ सडक बालिकालाई पाठेघरको मुखको क्यान्सर विरुद्धको एचपिभी खोप लगाइएको छ । रेसुङ्गा नगरपालिकाको स्वास्थ्य संयोजक मञ्जु घर्ति मगरका अनुसार जन्मदर्ता नभएका र विद्यालयभन्दा बाहिर रहेको बालिकाहरूलाई खोप लगाइएको…
मानव अधिकार रक्षकको सुरक्षाका लागि कानुन निर्माण गर्ने मुख्यमन्त्रीको प्रतिबद्धता
लुम्बिनी प्रदेशका मुख्यमन्त्री चेतनारायण आचार्यले मानव अधिकार रक्षकहरूको सुरक्षा र संरक्षणका लागि कानुन निर्माणका लागि पहल गर्ने प्रतिबद्धता जनाउनु भएको छ । अनौपचारिक क्षेत्र सेवा केन्द्र (इन्सेक) ले तयार पारेको…
बाल अधिकार चेतना समूहद्वारा बाल विवाहविरुद्ध सडकनाटक प्रदर्शन
इन्सेकको सहयोगमा घोडाघोडी नगरपालिका–२ साडेपानीस्थित दशरथ माध्यामिक विद्यालयस्तरीय बाल अधिकार चेतना समूहले बाल विवाहविरुद्ध जनचेतना फैलाउने उद्देश्यले ०८१ माघ २१ गते सडकनाटक प्रदर्शन गरेको छ । दशरथ माध्यामिक विद्यालयका पधानाध्यापक…
प्रदेश स्तरीय मानव अधिकार रक्षक अभिमुखीकरण कार्यक्रम सुरु
यूरोपियन युनियनको सहयोगमा अनौपचारिक क्षेत्र सेवा केन्द्र (इन्सेक) लुम्बिनी प्रदेश कार्यालयको आयोजनामा मानव अधिकार रक्षकका लागि ०८१ माघ २१ गतेदेखि नेपालगञ्जमा दुई दिने अभिमुखीकरण कार्यक्रम सुरु भएको छ । उक्त…