इन्सेक गतिविधिहरू

नेपाल मानवअधिकार वर्ष पुस्तक २०२५ मा समेटिने घटनाहरूको अर्धवार्षिक पूर्वसमीक्षा असार ३१ गते विदुरमा सम्पन्न भएको छ ।

इन्सेकको आयोजनामा भएको कार्यक्रममा सरकारी वकिल कार्यालयमा प्रमुख जिल्ला न्यायाधिवक्ता यामबहादुर बानियाँले पीडितको पक्षको हक अधिकारलाई सुनिश्चित बनाउन र न्याय दिलाउनको लागि परेको बताउनुभयो ।

न्यायाधिवक्ता बानियाँले पछिल्लो समय महिला तथा बालबालिकामाथिको घटनाहरूमा वृद्धि भएकोले यसलाई न्युनीकरण गराउनको लागि नागरिक संघसंस्था तथा मानव अधिकारकर्मीहरूको भूमिमा अहम् रहने बताउनुभयो ।

कार्यक्रममा सरकारी वकिल कार्यालयका सहायक जिल्ला न्यायाधिवक्ता विकास बन्जाराले विगत्को तुलनामा पछिल्लो ६ महिनामा बालबालिकामाथि बलात्कार, बलात्कार प्रयास र बाल यौन दुव्र्यवहारको घटनामा वृद्धि भएकोले समाज बालबालिकामाथि हुने हिंसा बलात्कारका घटना रोकथामको लागि सरोकारवाला पक्ष सबैले ध्यान दिनु पर्ने बताउनुभयो ।

कार्यक्रममा कारागार कार्यालयका कारागार प्रशासक इन्द्रबहादुर खतिवडाले कैदी बन्दीले पाउने अधिकारको पहुँचमा ध्यान दिइएको बताउनुभयो । प्रशासक खतिवडाले क्षमता भन्दा बढी कैदी बन्दी रहेको र कारागारमा अहेवको दरबन्दी रिक्त रहदा केही समस्याहरू रहेको बताउनुभयो ।

कार्यक्रममा तादी गाउँपालिकाका प्रवक्ता तथा कार्यपालिका सदस्य शर्मिला उप्रेतीले महिला तथा बालबालिकाको नागरिकता र जन्मदर्ता लगायतको समस्याहरू समाधान गर्न कानूनी रुपमा अवरोधहरू रहेको बताउनुभयो ।

कार्यक्रममा इन्सेक जिल्ला प्रतिनिधिद्वारा सन् २०२२ को जनवरीदेखि जुनसम्मको मानव अधिकार उल्लङ्घन तथा ज्यादतीका घटनाहरूको बारेमा जानकारी दिनुभएको थियो । उक्त अवधिमा बलात्कारका १६ ओटा, बलात्कार प्रयास, अपहरण तथा बालयौन दुव्र्यवहार एक एक ओटा र कर्तव्य ज्यानको ६ ओटा घटना जिल्लामा अभिलेख भएको विवरण प्रस्तुत गरेका गरिएको थियो ।

नवदीप श्रेष्ठ