इन्सेक गतिविधिहरू

अनौपचारिक क्षेत्र सेवा केन्द्र (इन्सेक) को आयोजनामा मङ्सिर ३ गते नेपाल मानव अधिकार वर्ष पुस्तक प्रकाशन पूर्व समीक्षा कार्यक्रम परासीमा सम्पन्न भएको छ ।

कार्यक्रममा प्रमुख जिल्ला अधिकारी देवेन्द्र लामिछानेले इन्सेकले ग्रामीण भेगमा महिला र बालबालिका विरूद्ध हुने यौनजन्य हिंसा, बोक्सी प्रथा, मानव बलि प्रथा सम्बन्धी जनचेतना मूलक कार्यक्रम गर्नुपर्नेमा जोड दिए ।

यस्तै नगर प्रमुख गुप्ताले रक्षा गर्ने आ-आफ्नो ठाउँबाट सबै निर्वाचित पदाधिकारीहरूले आ-आफ्नो भूमिका निर्वाह गर्दै आफूबाटै शुरूवात गरेमा घटनामा न्यूनिकरण हुन सक्ने जोड दिएका छन् ।

जिल्ला समन्वय समितिका प्रमुख शिवशङ्करप्रसाद रायले मानव अधिकार उल्लङ्घन र अपराध छुट्याउनु पर्नेमा जोड दिँदै आफ्नो तर्फबाट मानव अधिकार उल्लङ्घन हुन नदिन र स्थानीय तहहरूलाई सचेत गराउन प्रयास गर्ने प्रतिबद्धता जाहेर गरे ।

इन्सेकले सङ्कलन गरेका घटनाहरू सत्य तथ्य र विश्वसनीय हुने हुँदा यसलाई निखारेर लैजानुपर्ने विवादित घटनाहरूले पुनःपुष्टि गरेर समावेश गर्नुपर्ने र आएका सुझावहरू लाई पालना गर्नुपर्नेमा जोड दिएका छन् ।

नारायण पराजुली