इन्सेक गतिविधिहरू

नेपाल मानव अधिकार वर्ष पुस्तक २०२४ का लागि २०२३ जनवरीदेखि हालसम्म भएका मानव अधिकार उल्लङ्घन र ज्यादतीका घटनाहरुको अर्धवार्षिक पूर्व समीक्षा असार १५ गते मुगुमा सम्पन्न भएको छ ।
इन्सेक जिल्ला प्रतिनिधि जीवन सेजुवालले ६ महिनामा सङ्कलन गरिएका मानव अधिकार उल्लङ्घन तथा ज्यादती घटनाहरु प्रस्तुत गर्नुभएको थियो । यस अवधि भित्र सङ्कंलन भएका महिला हिंसाका चार, राजनितिक अधिकारका दुई, बलात्कार तथा बलात्कार प्रयासका दुई र खाद्य अधिकारको एक,बहु विवाहको एक ओटा गरी १० वटा घटनाका बारे सरोकारवाला निकाय बिच समीक्षा भएको थियो ।
कार्यक्रममा नेकपा एमालेका कार्यवाहक अध्यक्ष कर्ण बहादुर मल्लले  बर्ष पुस्तकमा समेटिने मानव अधिकारका घट्नाहरु सत्य तथ्यहुनु पर्ने बताउनु भयो ।  उक्त कार्यक्रममा शिक्षक महाँसघ मुगुकी अध्यक्ष बिष्णु भामले महिला सम्बन्धि हुने सबैखाले घटनाहरु सदरमुकाम भन्दा ग्रामिण भेगमा धेरै घट्ने गरेका छन ।  हिंसामा परेका महिलाहरु कानुनी सहायता भन्दा  टाढा भएकाले उनीहरुको कानुनी सहायताका लागि इन्सेकले पहल गुर्न पर्ने बताउनु भयो ।

जिल्ला बार मुगुका कुबेर जंङ शाहीले इन्सेकले प्रकाशन गर्ने मानव अधिकार बर्ष पुस्तक पीडितहरुको दस्तावेज भएकाले यो  पुस्तक भित्र समेटिने घट्नाहरु सत्य तथ्य हुनु पर्ने बताउनु भयो ।  नेपाल पत्रकार महाँसघ मुगुका कार्यवाहक अध्यक्ष दान बुढाले इन्सेकले हाल सम्म प्रकाशन गरेका वर्ष पुस्तकहरु कुनै विवादित भएका छैनन किनकी यसमा सत्य तथ्य घट्नाहरु समिटिने भएकाले मानव अधिकार क्षेत्रको न्यायिक दस्तावेजका रुपमा लिन सकिने बताउनु भयो  ।

यसै गरी कार्यक्रममा पुर्व कर्णाली प्रदेश सभा सदस्य दानसिंह परियारले  समुदायमा अहिले पनि जातीय विभेदका घटनाहरु घटने गरेका छन । पीडितहरु न्यायकालागि न्यायालय सम्म पुग्न नसकेका अवस्थामा इन्सेकले जातीय छुवाछुतका मुद्दाहरुलाई समेटनु पर्ने बताउनु भयो ।

जीवन सेजुवाल