इन्सेक गतिविधिहरू

नेपाल मानव अधिकार वर्ष पुस्तक २०२४ का लागि अर्ध वार्षिक पूर्व समीक्षा कार्यक्रम सम्पन्न गरिएको छ ।

जिल्लामा अभिलेखीकरण गरिएका मानव अधिकार उल्लङ्घन तथा ज्यादतीका घटनामाथि पूर्व समीक्षा सम्पन्न गरिएको हो ।

जिल्लामा सन् २०२३ को जनवरीदेखि जुनसम्म अर्थात ६ महिनाको अवधिमा अभिलेखीकरण गरिएका मानव अधिकार उल्लङ्घन तथा ज्यादतीका घटनामथि असार १२ गते पूर्व समीक्षा गरिएको हो ।

समीक्षा कार्यक्रममा नेपाल पत्रकार महासङ्घ, तेहृथुम शाखाका उपाध्यक्ष ठाकुर सेनेहाङले इन्सेक अभियान र इन्सेक अभिलेखीकरणले कतिपय अवस्थामा पीडितले न्याय पाएको बताउनु भयो । उहाँले इन्सेकको तथ्याङ्ग सही हुने भएकाले आगामी  दिनमा पनि इन्सेकले आफ्नो साख जोगाउनु पर्ने बताउनु भयो ।

इन्सेक पूर्व प्रतिनिधि  छत्रप्रसाद रिमाले मानव अधिकार रक्षाका लागि सबैको प्रयास आवश्य रहेको बताउनु भयो । उहाँले इन्सेकले मानव अधिकार उल्लङघन तथा ज्यादतीको घटनाको अभिलेखीकरण मात्र नगरे मानव अधिकार संरक्षणका लागि राज्यलाई सहयोग गरिरहेको बताउनु भयो ।

समीक्षामा शान्ति समाजका जिल्ला सदस्य डिकेन्द्र बरालले मानव अधिकारकर्मीहरूले अब आफ्नो अधिकार रक्षाका लागि राज्यसँग जवाफ माग्नु पर्ने बेला आएको बताउनु भयो ।

समीक्षामा जिल्लामा ०७९ पुस १७ गतेदेखि ०८० असार ११ गतेसम्म अभिलेखीकरण गरिएका घटनामा बलात्कारका पाँच ओटा र कुटपिटका दुई ओटा र हत्याको एक घटना सार्वजनिक गरिएको छ । कार्यक्रममा अधिकारकर्मी, पत्रकारलगायतको सहभागिता थियो ।

सुरेश खत्री