इन्सेक गतिविधिहरू

अनौपचारिक क्षेत्र सेवा केन्द्र (इन्सेक) ले नेपाल मानवअधिकार वर्ष पुस्तक २०२३ का लागि वार्षिक समीक्षा गोष्ठी चन्द्रनिगाहापुरमा सम्पन्न गरिएको छ ।

समीक्षा गोष्टिमा इन्सेक प्रतिनिधि कोपिला तिमल्सिनाले सन् २०२२ मा अभिलेख गर्नु भएको ६९ वटा मानव अधिकार उल्लंघन तथा ज्यादतीका घटनाहरु प्रस्तुत गर्नु भएको थियो । प्रस्तुत प्रतिवेदनमा यस वर्ष बलात्कार घटनामा २८, बलात्का प्रयास घटनामा तीन, कुटपिट ११, हत्या नौ, अपहरण शरिर बन्धक र शलात्कार सात, वोक्सीको आरोपमा एक, अप्राकृतिक मैथुन एक, अपहरण बलात्कार दुई, अपहरण शरिरबन्धक चार, बाल यौन दुव्र्यवहार एक, मानव वेचविाखन, अपहरण शरिरबन्धक बलात्कार एक जना पीडित भएका छन् ।

इलाका प्रशासन कार्यालय चन्द्रनिगहापुरका प्रमुख झलेन्द्र प्रसाद चापागाइले प्रस्तुत प्रतिवेदनमा जिल्लाको मानव अधिकारको अवस्थालाई मसिनो ढङ्गले केलाएको बताउनु भयो । ग्रामिण तहमा भइरहेको धेरै मानव अधिकारसँग सम्बन्धित घटना बाहिर आउन नसकेको उहाँले उल्लेख गर्नु हुँदै शिक्षामा लगानी नभएसम्म यस्ता घटनामा कमी आउन नसक्ने बताउनु भयो ।

इलाका प्रहरी कार्यालय चन्द्रनिगहापुरका डिएसपी सन्तुलाल प्रसाद जयसवालले इन्सेकले अभिलेख गरेको घटनाहरु विश्वसनीय रहेको बताउनु भयो । नागरिकता र विवाह गर्ने उमेरले गर्दा बालबालिकाको विभिन्न कामसँग जोडिएको उमेरको फरक फरक मापदण्डका कारणले बालिकामाथि हिंसाको गतिविधि बढेको उहाँको भनाई थियो ।

चन्द्रपुर नगरपालिकाका बालकल्याण अधिकारी चन्द्रकला बरालले बालबालिकामाथि चन्द्रनिगहापुरमा धेरै घटना हुने गरेको तर घटनाको अभिलेख नगरपालिका तथा संघ संस्थाहरुसँग नरहेको बताउनु भयो । तर, घटनाको अभिलेख गरेर सरोकारवाला निकायका बिच एक कार्यक्रमको आयोजना गरी इन्सेकले गरेको यस कार्यलाई उहाँले धन्यवाद दिनु भयो ।

समाज सेवी रोहित चौधरीले पीडितको न्याय निकायसम्म पहुँच नभएकोले पीडितहरुको नि:शुल्क कानुनी सहायता कक्ष हुनुपर्नेमा जोड दिनु भयो ।

कोपिला तिमल्सिना