नेपाल मानव अधिकार वर्ष पुस्तक २०२२ प्रकाशन पूर्व समीक्षा सम्पन्न
नेपाल मानव अधिकार वर्ष पुस्तक २०२२ का लागि जिल्लामा सङ्कलित घटनाहरूको प्रकाशन पूर्व समीक्षा कार्यक्रम पुस १६ गते सम्पन्न भयो ।
समीक्षा कार्यक्रममा जनप्रतिनिधि तथा सरोकारवालाहरूले मानव अधिकार उलङ्घनका घटनामा कमी देखिए पनि अपराध तथा युवा दुर्व्यसनीका घटनामा कमी नआएकोले विद्यमान ऐन कानुनका प्रावधान र मानव अधिकार शिक्षा बारे गाउँगाउँमा सचेतना कार्यक्रम लान आवश्यक हरेको बताए ।
जिल्ला समन्वय समितिका सदस्य चित्रकुमारी न्यौपानेले युवा दुर्व्यसनीका घटना न्युनीकरणमा प्रहरीले ध्यान दिनुपर्ने बताउनुभयो ।
अधिकारकर्मी तारा कार्कीले प्रहरीले आफ्नो काम गर्ने क्रममा सुधार गरेको तर अझै पीडितमैत्री हुन आवश्यक रहेको बताउनुभयो ।
कार्यक्रममा कालिका गाउँपालिका उपाध्यक्ष भवानीप्रसाद न्यौपानेले मानव अधिकारमैत्री सेवा प्रदान गर्ने वातावरण पालिकाले बनाएको उल्लेख गर्नु भयो ।
उहाँले शिक्षा, स्वास्थ्य, खाद्य र आवास जस्ता आधारभूत अधिकार जनतासम्म पुर्याउन पालिका कटिबद्ध रहेको बताउनु भयो ।
कालिका गाउँपालिका वडा नं २ का वडा अध्यक्ष कृष्णप्रसाद न्यौपानेले जनताले पनि आफ्ना आधारभूत आवश्यकताको मागदवी गर्न सक्नु पर्ने बताउनु भयो ।
उहाँले त्यसका लागि स्थानीय तहमा मानव अधिकार शिक्षाको आवस्यकताको खाँचो औँल्याउनु भयो ।
कार्यक्रममा सामुदायिक वन उपभोक्ता महासङ्घ रसुवाका अध्यक्ष लीलानाथ न्यौपाने, सामुदायिक विकास केन्द्रका कार्यक्रम संयोजक राजु आचार्य, जिल्ला भूमि अधिकार मञ्चका कोषाध्यक्ष भूवनेश्वरी लामिछाने, नागरिक समाजका झङ्कनाथ न्यौपाने लगायत सरोकारवाला सहभागीले मानव अधिकार मैत्री पालिका बनाउनका लागि जनचेतनाका कार्यक्रम गर्न पालिकालाई सुझाव दिएका थिए ।
इलाका प्रहरी कार्यालयका सई कासीराम बुढाले नागरिकको सुरक्षालाई पहिलो प्राथमिकतामा राखेर नेपाल प्रहरीले मानव अधिकार तथा कानुनको पालनामा ध्यान दिएको बताउनु भयो ।
सहभागीहरूले घरेलु हिंसाका घटनाहरु मिलापत्र हुने हुनाले समाजमा अझै घरेलु हिंसाका घटना लुकेर बसेका तथा यस्तो घटना न्युनीकरण हुन नसकेको बताएका थिए ।
अनौपचारिक क्षेत्र सेवा केन्द्र (इन्सेक) का जिल्ला प्रतिनिधि हेमानाथ खतिवडाले सन २०२१ भरीमा जिल्लामा यौन तथा यौनजन्य तीन ओटा घटनामा चार जना पीडित भएको, महिला हिंसा तथा दुव्र्यवहारका चार ओटा र बहुविवाहका तीन ओटा घटना जिल्लामा अभिलेख गरिएको जानकारी दिए जानकारी दिनु भएको थियो ।
इन्सेक बागमती प्रदेश कार्यालय, हेटौँडा
सम्बन्धित इन्सेक गतिविधिहरू
जातीय छुवाछुत विरुद्ध सडक नाटक प्रदर्शन
इन्सेकद्वारा गठित श्री सुर्यप्रकाश सिर्जनशील बाल अधिकार समुहको आयोजना, पञ्चपुरी मानव अधिकार समुह, श्री सुर्यप्रकाश मावि पलैटेको समन्वय र अनौपचारिक क्षेत्र सेवा केन्द्र (इन्सेक) कर्णाली प्रदेशको आर्थिक सहयोगमा २०८१ माघ…
बाल अधिकार चेतना समूहको प्रदेशस्तरीय बैठक सम्पन्न
अनौपचारिक क्षेत्र सेवा केन्द्र (इन्सेक) सुदूरपश्चिम प्रदेश कार्यालय, धनगढीको आयोजनामा सुदूरपश्चिम प्रदेशस्तरीय बाल अधिकर चेतना समूहको बैठक ०८१ माघ २ गते धनगढीमा सम्पन्न भएको छ । इन्सेक सुदूरपश्चिम प्रदेश कार्यालय,…
भूकम्प सुरक्षा दिवसका अवसरमा विपत् न्यूनिकरणका विषयमा छलफल
भूकम्प सुरक्षा दिवस २०८१ को अवसरमा ललितपुर, काठमाडौँ र भक्तपुर जिल्लाका विभिन्न विद्यालयमा सञ्चालित “स्कूल क्लबमा आधारित उत्थानशील समुदाय मोडल परियोजना” मार्फत विपत् जोखिम न्यूनीकरणको लागि तालिम प्राप्त शिक्षिका/शिक्षकहरूले जोखिम…
भास्सराका विद्यार्थीद्वारा विपद् जोखिम न्यूनीकरणमा सामुदायिक सचेतना अभिवृद्धि
ललितपुर महानगरपालिका-१९ को भास्सारा माध्यमिक विद्यालयका विद्यार्थीहरूद्वारा आयोजित विपद् जोखिम न्यूनीकरण (डीआरआर) कार्यक्रममार्फत सामुदायिक सचेतना अभिवृद्धि गरिएको छ । प्राकृतिक विपद्सँग सम्बन्धित जोखिमबारे चेतना अभिवृद्धि गर्ने उद्देश्यले आयोजित उक्त सचेतना…
इन्सेकद्वारा उपचारमा आर्थिक अभाव झेलेका बालकलाई आर्थिक सहयोग
आर्थिक अभावका कारण डिस्चार्ज भएर घर जानसमेत समस्यामा परेका बैतडीका १४ वर्षीय रोशन धामीलाई इन्सेकले आर्थिक सहयोग गरेको छ । इन्सेक बागमती प्रदेश संयोजक गणेश भण्डारीले पुस २७ गते पीडितलाई…
