नेपाल मानव अधिकार वर्ष पुस्तक २०२२ प्रकाशन पूर्व समीक्षा सम्पन्न

  ०७८ पुस १४ गते

नेपाल मानव अधिकार वर्ष पुस्तक २०२२ का लागि सन् २०२१ मा जिल्लामा सङ्कलन गरिएका मानव अधिकार उल्लङ्घन तथा ज्यादतीका घटनाको प्रकाशन पूर्वको समीक्षा कार्यक्रम पुस १४ गते भरतपुरमा सम्पन्न भएको छ ।

सन् २०२० मा जिल्लामा १ सय १० ओटा मानव अधिकार उलङ्घन तथा ज्यादतीका घटना अभिलेख भएकोमा सन् २०२१ मा भने जम्मा ९२ ओटा घटना अभिलेख भएका छन् ।

m

चितवन इन्सेक प्रतिनिधिका अनुसार जिल्लामा अघिल्लो वर्षको तुलनामा सन् २०२१ मा ओटा घटना कम भएको अभिलेख प्रस्तुत गरेका थिए ।

वार्षिक पूर्व समीक्षा कार्यक्रमका प्रमुख अतिथि जिल्ला प्रहरी कार्यालयका प्रमुख एसपी ओमप्रसाद अधिकारीले मानव अधिकार उल्लङ्घन तथा ज्यादतीका घटना कम हुनु सुखद पक्ष रहेको बताउनुभयो ।

उहाँले बदिलिँदो सूचना र प्रविधिको समयका कारण जटिल प्रकारका अपराधिक घटनाहरू हुने गरेको उल्लेख गर्दै एसपी अधिकारीले समाजका सबै नागरिक सचेत हुनु पर्ने बताउनुभयो ।

जिल्लामा सन् २०२१ मा महिला अधिकार अन्तर्गत महिला बलात्कारका १६ र बलात्कार प्रयासका सात ओटा र बहुविवाहका १० ओटा घटना अभिलेख गरिएको छ । मानव बेचबिखनका तीन ओटा घटना इन्सेकले अभिलेख गरेको छ ।

यसैगरी बाल अधिकार तर्फ बालिका बलात्कारका २९ ओटा र १८ जना बालबालिका यौन दुर्व्यवहारका घटनामा पीडित भएका छन् । जसमा एक जना बालक छन् ।

एक जना महिला र तीन जना पुरुष गरी चार जना हत्याका घटनामा पीडित भएका छन् ।

m

दिपेन्द्र अधिकारी