नेपाल मानव अधिकार वर्ष पुस्तक २०२२ प्रकाशन पूर्व वार्षिक समीक्षा सम्पन्न

  ०७८ मङ्सिर २४ गते

नेपाल मानव अधिकार वर्ष पुस्तक २०२२ का लागि जिल्लामा अभिलेखीकरण गरिएका मानव अधिकार उल्लङ्घन तथा ज्यादतीका घटनामाथि सरोकारवालाहरूबिच समीक्षा मङ्सिर २४ गते समीक्षा गरिएको छ ।

अनौपचारिक क्षेत्र सेवा केन्द्र(इलाम)को आयोजनामा जिल्लामा अभिलेखीकरण गरिएका मानव अधिकार उल्लङ्घन र ज्यादतीका घटनाहरूमाथि समीक्षा गरिएको हो ।

समीक्षा कार्यक्रममा इन्सेक इलाम प्रतिनिधिले सन् २०२१ को जनवरीदेखि डिसेम्वरसम्म जिल्लामा अभिलेखीकरण गरिएका घटनाहरू प्रस्तुत गर्नुभयो । ११ महिनाको अवधिमा हत्यामा ५ जना, बालिका बलात्कारमा १० जना, बालयौन दुर्व्यवहारमा २ , घरेलु हिंसामा ३ जना, बहुविवाहमा ४ जना, महिला बलात्कारमा १२ जना, महिला बलात्कार प्रयासमा १जना महिला यौन दुव्र्यवहार २ वटा घटनाहरु सार्वजनिक गरिएको छ ।

जिल्लामा पुरुषको तुलनामा महिला बढी पीडित हुने गरेको तथ्याङ्कले देखाएको छ । घरायसी मामिलादेखि सार्वजनिक क्षेत्रमा समेत महिला नै बढी पीडित हुनु परेको तथ्याङ्क इन्सेक इलामले सार्वजनिक भएको छ ।

मानव अधिकार बर्ष पुरस्कार २०२२ को प्रकाशन पूर्वको समीक्षामा बोल्दै जिल्ला समन्वय समिति इलामका प्रमुख महेश बस्नेतले यी बाहेक आत्महत्याका घटना समेत इलाममा बढी हुने गरेको बताउनु भयो ।

इलाम नगरपालिकाका प्रमुख महेश बस्नेतले मानिसमा नकरात्मक प्रवृत्ति हावी हुँदा हत्या र हिंसाका घटना बढी भएको बताउनु भयो । उहाँले मानिसको चेतनाको स्तर उसको भौतिक अवस्थामा भर पर्ने बताउनु भयो ।

जिल्ला प्रहरी कार्यालयका डिएसपी महेन्द्रबहादुर श्रेष्ठले मानवको बाँच्न पाउने अधिकार नै मानवअधिकार रहेको बताउनु भयो । उहाँले समय अनुसार मानव अधिकारका घटना घट्ने प्रक्रिया फेरिदै गएको बताउनु भयो ।

कार्यक्रममा उच्च बार एशोशिएसन इलामका अध्यक्ष वीरबहादुर खड्का, गैरसरकारी संस्था प्रदेश १ का अध्यक्ष प्रकाश अधिकारी, जिल्ला बार एशोसएशन इलामका अध्यक्ष तारानाथ पराजुलीलगायतले बोल्नु भएको थियो ।

Photo 20211210 Ilam (1)

Photo 20211210 Ilam (2)

Photo 20211210 Ilam (3)

Photo 20211210 Ilam (4)

बविता मैनाली