अर्धवार्षिक समीक्षा कार्यक्रम सम्पन्न

  ०८१ असार १७ गते

नेपाल मानव अधिकार वर्षपुस्तकको अर्धवार्षिक समीक्षा कार्यक्रम सम्पन्न भएको छ ।

जिल्ला समन्वय समिति जुम्लाको सभाहलमा सन् २०२४ जनवरीदेखि जुनसम्म मानव अधिकार तथा ज्यादती सम्बन्धी सङ्कलित घटनामाथि त्रृटि सच्चाउने र छुटेका घटना समाबेश गर्ने उद्देश्यले अर्धबार्षिक समीक्षा कार्यक्रम गरिएको हो । नेपाल मानव अधिकार वर्ष पुस्तक २०२५ का लागि सङ्कलित घटनाका विषयमा सरोकारवाला निकायबीच अर्धवार्षिक समीक्षा कार्यक्रम भएको हो ।

अनौपचारिक क्षेत्र सेवा केन्द्र (इन्सेक) का जिल्ला प्रतिनिधि मानदत्त रावलका अनुसार ६ महिनामा १४ ओटा सङ्कलन गरिएको घटना समीक्षा कार्यक्रममा सरोकारवाला निकायबीच प्रस्तुत गर्नुभयो । कर्तव्य ज्यानका दुई ओटा, महिलामाथि हुने भेदभाव, दुर्ववहारका तीन ओटा, यौन दुर्ववहार, बहुविवाहका ६ ओटा, कर्मचारी/शिक्षकमाथि दुर्ववहारका ३ ओटा र आगलागी/तोडफोड एक ओटा गरी जुम्ला १४ ओटा घटना रहेका छन् ।

प्रमुख जिल्ला अधिकारी जयकुमार घिमिरेले प्रहरीमा ठाडो निवेदनका रुपमा आएका र मिलापत्रमा टुंगिएका घटना वर्षपुस्तकमा नराख्दा पनि हुने बताउनु भयो । तर प्रजिअको यो सुझावमाथि टिप्पणी गर्दै राष्ट्यि मानव अधिकार आयोग जुम्ला शाखा प्रमुख धनराज शाहीले घटेका घटना तथ्याङ्क रुपमा भएपनि अभिलेख गर्नुपर्ने बताउनु भयो ।

जिल्ला समन्वय समितिका प्रमुख गौरीनन्द आचार्यले इन्सेकले प्रकाशन गर्दै आएको नेपाल मानव अधिकार वर्षपुस्तक महत्वपूर्ण अभिलेखमा रहेको बताउनु भयो । उहाँले भन्नुभयो‘ द्वन्द्वकालका घटनाको राहत तथा क्षतिपूर्ति यस्तै पुस्तकमा अभिलेख भएकै आधारमा जिल्ला प्रशासन कार्यालयले उपलव्ध गराउने गरेको थियो । ’

अर्धवार्षिक समीक्षा कार्यक्रममा प्रहरी प्रशासन, राजनीतिक दल, मानव अधिकारसँग सरोकार राख्ने संघसंस्था, पत्रकारलगायतको सहभागिता रहेको थियो ।

Photo20240701Jumla

Photo20240701Jumla

 

मानदत्त रावल