इन्सेक गतिविधिहरू

अनौपचारिक क्षेत्र सेवा केन्द्र (इन्सेक) सिरहाले नेपाल मानव अधिकार वर्षपुस्तक-२०१८ का लागि सङ्कलित घटनाको प्रकाशन पूर्व समीक्षा कार्यक्रम पुस १२ गते सम्पन्न गरेको छ ।

लहान नगरपालिका कार्यालयकी उपप्रमुख सरियारकुमारी चौधरीले जिल्लामा महिला हिंसाका घटनाहरूको सङ्ख्यामा बृद्धि भएकोप्रति चिन्ता व्यक्त गर्दै चाँडै न्यायिक समन्वय समिति गठन गरी सङ्घसंस्था, पत्रकार तथा अधिकारकर्मीहरूको सहयोग र सहकार्यमा ऐन नियमहरू तयार गरी काम गर्ने बताइन् ।

कार्यक्रममा इलाका प्रशासन कार्यालयका प्रमुख सोमप्रसाद भट्टराईले प्रहरी, प्रशासनले मानव अधिकार संरक्षणमा नागरिक समाजसँग सहकार्य गरी अगाडि बढ्नु पर्ने बताए ।

त्यसैगरी राष्ट्रिय मानव अधिकार आयोग क्षेत्रीय कार्यालय जनकपुरका अधिकृत दिप यादव, इलाका प्रहरी कार्यालय लहानका निमित प्रमुख जुगेश्वर राउतले मानव अधिकार संरक्षणमा सबैसँग सहकार्य गरी अगाडि बढ्ने बताए ।

कार्यक्रममा सन् २०१७ मा १ सय २२ ओटा घटनाहरू सङ्कलन गरेको तथ्याङ्क इन्सेक प्रतिनिधि दुर्गा परियारले प्रस्तुत गरेका थिए । अभिलेख अनुसार २१ जना बालिका र तीन जना महिला गरी २४ जना बलात्कार घटनामा पीडित भएका छन् । ११ ओटा हत्या, १० वटा बहुविवाहका लगायतका घटना अभिलेखित गरिएको परियारले बताए ।

अनलाइन डेस्क