इन्सेक गतिविधिहरू

अनौपचारिक क्षेत्र सेवा केन्द्र (इन्सेक)को टोलीले डडेल्धुरामा वैशाख ९ गते निर्वाचन पूर्व जिल्लाको मानव अधिकार अवस्थाबारे छलफल गरेको छ ।

इन्सेक क्षेत्रीय कार्यालय, धनगढीका संयोजक खडकराज जोशीको नेतृत्वमा रहेको टोलीले नागरिक समाजका अगुवा, पत्रकार, मानव अधिकारकर्मी र मतदाताहरूसँग छलफल गरको हो ।

छलफल कार्यक्रममा क्षेत्रीय संयोजक जोशीले स्थानीय तहको निर्वाचनलाई स्वच्छ र निश्पक्ष  बनाउनका लागि इन्सेकले अनुगमन गरिरहेको बताए ।

डडेल्धुरा सदरमुकाममा आयोजित छलफल कार्यक्रममा वैशाख ३१ गतेका लागि तोकिएको स्थानीय तहको निर्वाचनका लागि मतादाताहरूलाई मतदाता शिक्षाको आवश्यकता रहेको र स्थानीय तहको निर्वाचन नहुँदा गाउँमा विकासका कार्यक्रम नभएको र स्थानीय तहको निर्वाचन हुन लागेकोमा सहभागीहरूले खुशी व्यक्त गरेका थिए ।

भुपेन्द्र बिष्ट