इन्सेक गतिविधिहरू

इन्सेक क्षेत्रीय कार्यालय नेपालगञ्जको आयोजनामा दिगो शान्ति, सद्भाव र एकताका लागि जिल्ला स्तरीय खुल्ला निबन्ध प्रतियोगिताका विजेता तथा सहभागीलाई वैशाख १० गते प्रमाणपत्र एवम् पुरस्कार वितरण गरिएको छ ।

जिल्ला शिक्षा अधिकारी भिमबहादुर साउदले सफल प्रतियोगीहरूलाई प्रमाणपत्र तथा पुरस्कार वितरण गर्दै दिगो शान्ति, सद्भाव र एकताका लागि प्रत्येक व्यक्तिको व्यवहार परिवर्तनमा जोड दिए ।

कार्यक्रममा वीरेन्द्रप्रसाद जैसी प्रथम, ऋृचा लुइटेल द्वितीय, मधुकरमणी आचार्य तृतीय र खिमानन्द जोशीलाई सान्त्वना घोषणा गर्दै पुरस्कार प्रदान गरिएको थियो ।

पुरस्कार वितरण कार्यक्रममा राष्ट्रिय मानवअधिकार आयोगका मध्यपश्चिमाञ्चल क्षेत्रीय निर्देशक मुरारी खरेलले द्वन्द्वप्रति समाजको बुझाई निबन्धका माध्यमबाट बाहिर आएको बताउँदै विषयवस्तुको उठान गर्नु नै उपलब्धी भएको बताए ।

इन्सेकका क्षेत्रीय संयोजक भोला महतले दिगो शान्ति, एकता र सद्भावप्रति आम नागरिकको सक्रियता बढाउने उद्देश्यले कार्यक्रमको आयोजना गरिएको बताए । प्रतियोगितामा १७ जनाले भाग लिएका थिए ।