इन्सेक गतिविधिहरू

अनौपचारिक क्षेत्र सेवा केन्द्र (इन्सेक) को आयोजनामा जेठ १३ गते सिन्धुपाल्चोकमा आयोजित वर्तमान परिप्रेक्ष्यमा नागरिक समाज तथा स्थानीय सरकारबिचको सहकार्य, अवसर र चुनौति विषयक छलफल कार्यक्रमामा सरोकारवालाहरूले नागरिक समाज र स्थानीय सरकारबिच सहकार्यमा जोड दिएका छन् ।

कार्यक्रममा जिल्ला समन्वय समितिका उपप्रमुख बालकुमारी सापकोटाले जिल्ला समन्वय समितिले नागरिक संस्थाहरूसँग समन्वय गरेर कम गर्ने बताइन् ।

चौतार साँगाचौकगढी नपा-५ का वडा अध्यक्ष धर्मनरमान श्रेष्ठले नागरिकसँग सम्बन्धित कानुनहरू नगरपालिकाले बनाइसकेको र विभिन्न सङ्घ संस्थाहरूसँग सहकार्य गरेर अगाडि बढ्ने बताए ।

कार्यक्रममा चौतारा साँगाचोकगढी नगरपालिकाका वडाका वडा अध्यक्षहरू, गैससका जिल्ला अध्यक्ष र नेपाल वार इकाईका सचिव र पत्रकार महसङ्घका प्रतिनिधिहरूले नागरिक समाज र स्थानीय सरकारबिच सहकार्य गरेर अगाडि बढ्ने बताए ।

नातिबाबु धिताल