इन्सेक गतिविधिहरू

देवचुली नगरपालिकामा अनौपचारिक क्षेत्र सेवा केन्द्र (इन्सेक) द्वारा गठित मानव अधिकार समूहको बैठक भदौ २९ गते सम्पन्न भएको छ ।

समूहका अध्यक्ष कृष्णबहादुर बिकको अध्यक्षता बसेको बैठकले गत वर्ष मानव अधिकार समूहबाट भएका कार्यहरुको समीक्षा गर्दै यस वर्ष गरिने कार्यहरुको बारेमा छ्लफल गरिएको थियो । इन्सेक सहजकर्ता राजु चापागाईले यस वर्ष इन्सेकबाट देवचुलीका लागि तय भएका कार्यक्रमको बारेमा जानकारी गराउँदै गत वर्ष समूहबाट गरिएको राम्रा कार्यहरूको निरन्तरता दिन अनुरोध गर्नुभएको थियो ।

समूहको बैठकले देवचुली नगरपालिकामा मानव अधिकार प्रवर्धनका लागि समुदाय र बालबालिकाका लागि मानव अधिकार सचेतना कार्यक्रम सञ्चालनका लागि देवचुली नगरपालिकामा माग गर्ने, नगर भित्र रहेका विद्यालयहरुको दिवा खाजा लगायत सरसफाई र शैक्षिक अवस्थाको अवलोकन गर्ने, नगरमा उद्योगबाट भइरहेको प्रदुषण न्यूनीकरणलाई देवचुली नगरपालिकालाई समन्वयका लागि अनुरोध गर्ने,  नगरपालिकामा ध्यानाकर्षण गराउने विषयहरुको बारेमा आगामी समस्या पहिचान तथा कार्ययोजना बैठकमा पेश गर्ने र असोज २ गते बुधबार कार्ययोजना बैठक बस्ने निर्णय गरेको छ ।

दयाराम आचार्य