इन्सेक गतिविधिहरू

अनौपचारिक क्षेत्र सेवा केन्द (इन्सेक) र ग्रामिणमुखि युवा अभियान नेपाल (रोयम नेपाल) समन्वयमा जुम्लामा युवा मानव अधिकार रक्षक सञ्जाल गठन गर्नुका साथै अभिमुखीकरण कार्यक्रम सञ्जालन गरिएको छ ।

औपचारिक कार्यक्रमका बिच पारश सुनारको अध्यक्षमा जिल्ला स्तरीय युवा मानव अधिकार रक्षक सञ्जाल गठन गरिएको हो । उपाध्यक्षमा आशा न्यौपाने, सह-उपाध्यक्षमा दिनेश बुढा, महासचिवमा दिपेन्द्र रावत, सचिवमा अनिता शाही, सहसचिवमा जयबहादुर कठायत, कोषाध्यक्षमा तारादेवि रावत, सह-कोषाध्यक्षमा नवराज बुढासहित ३५ सदस्यीय युवा मानव अधिकार रक्षक सञ्जाल गठन गरिएको हो ।

यसैगरी जिल्ला युवा भेलामा सहभागी भएका युवाहरुलाई मानव अधिकार प्रवर्धन र संरक्षण सम्बन्धि एक दिने अभिमुखीकरण कार्यक्रम सञ्चालन भएको छ । अभिमुखीकरण कार्यक्रममा मानव अधिकारको अवस्था र मानव अधिकार प्रवर्द्धन र संरक्षणका विषयमा इन्सेक जिल्ला प्रतिनिधिले सहजीकरण गर्नुभएको हो । यस्तै मानवअधिकार रक्षक र भुमिका, काम कर्तव्य अधिकारीको विषयमा पनि प्रस्तुतीकरण भएको थियो ।

कानुनी साहेता केन्द्रका अधिवक्ता नन्दबहादुर खत्रीका अनुसार मानव अधिकार रक्षक समाजका रक्षक हुन् । उहाँले भन्नुभयोे, गाउँ समाजमा हुने विकृति, कुरिति, मानव अधिकार उल्लङ्घनका विषयमा मानव अधिकार रक्षकले खबरदारी गर्नुका साथ सरोकारवाला निकायको ध्यानाकर्षण गराउनु पर्दछ ।

प्रमुख जिल्ला अधिकारी रामबहादुर थापाका अनुसार मानव अधिकार रक्षक निष्पक्ष, अनुशासित र स्वतन्त्र हुनु पर्दछ । उहाँले भन्नुभयो, गाउँ समाज हुने विकृतिका विषयमा आवाज उठाउनुका साथै कानुनले व्यवस्था गरेका निकायमा खबर गर्नुपर्दछ ।

रोयम नेपालका कर्णाली प्रदेश संयोजक सन्तोष विकका अनुसार मानव अधिकारको विषयमा बोल्न र काम गर्नको लागि अध्ययनशील, तटस्थ र निष्पक्ष हुनु पर्छ । उहाँले भन्नुभयो, जिल्लामा मानव अधिकार रक्षक सञ्जाल गठन भएको छ । सञ्जालका सवै सदस्य सङ्गठित भएर मानव अधिकार उल्लघङ्नका विषयमा आवाज उठाउनुका साथै सरोकारवाला निकायको ध्यानाकर्षण गुर्न पर्दछ । युवाहरू सिर्जनशील, उत्साह, जोसजागर अध्ययनशील र नयाँ प्रविधिसँग जोडिएकाले समाज रुपान्तरणमा युवाको सशक्त भूमिका रहने बताउनु भयो ।

मानदत्त रावल