इन्सेक गतिविधिहरू

अनौपचारिक क्षेत्र सेवा केन्द्र (इन्सेक) पाल्पाको आयोजनामा जिल्ला स्तरीय बहस सम्वाद कार्यक्रम चैत २६ गते तानसेनमा सम्पन्न भएको छ ।

कार्यक्रममा सेवाप्रदायकका तर्फबाट प्रधानमन्त्री कृषि आधुनिकीकरण परियोजना (जोन) कार्यालय पाल्पाका प्रमुख रामप्रसाद पाण्डे, कृषि विज्ञ बेदप्रसाद पौडेल, पशु सेवा कार्यालय पाल्पाका प्रमुख डा. प्रदिप शर्मा पौडेल, बगनासकाली गाउँपालिकाका कृषि शाखा प्रमुख सन्तोष जिसीले आफ्नो कार्यालयको तर्फबाट भइरहेको सेवाप्रवाह बारे जानकारी गराएका थिए ।

कार्यक्रममा जिल्लामा खाद्य अधिकारको सवालमा छलफल गरिएको थियो । इएलपी परियोजनाका लागि इन्सेक जिल्ला सहजकर्ता यज्ञमूर्ति तिमिल्सिनाले इएलपी कार्यक्रम सञ्चालित वडाहरू चापपानी र खानीगाउँमा सङ्कलन गरिएका खाद्य अधिकारसम्बन्धी समस्या र सवालहरू प्रस्तुत गरेका थिए ।

कार्यक्रममा गैसरकारी संस्था महासंघ पाल्पाका अध्यक्ष भेषराज तिमिल्सिना र वरिष्ठ पत्रकार मेघराज शर्माले बजार अनुगमन नियमित नभएको, ग्रामीण क्षेत्रका विपन्न समुदायमा आयआर्जनका कार्यक्रमहरू प्रभावकारी रूपमा पुग्न नसकेको लगायतका विषयमा धारणा राखेका थिए ।

यज्ञमूर्ति तिमिल्सिना