इन्सेक गतिविधिहरू

मानव अधिकारप्रति स्थानीय समुदायलाई सचेत पार्दै जिम्मेवार निकायलाई जबाफदेही बनाउने कार्यक्रम अन्तर्गत असार २१ गते चौतारामा जिल्लास्तरीय परियोजना सल्लाहकार समितिको बैठक सम्पन्न गरिएको छ ।

कार्यक्रममा जिल्ला शिक्षा कार्यालय, स्वास्थ्य कार्यालय, कृषि कार्यालय र पशु सेवा कार्यालय लगायत जिल्ला स्थित शिक्षा, स्वास्थ्य र खाद्य अधिकारसँगका क्षेत्रमा कार्यरत सरोकारवालाहरूको उपस्थिति रहेको थियो ।

कार्यक्रममा अनौपचारिक क्षेत्र सेवा केन्द्र (इन्सेक) सहजकर्ताले सिन्धुपाल्चोक जिल्लाको थुम्पाखर र ठूलोपाखरमा सञ्चलित कार्यक्रमबारे जानकारी गराएका थिए ।

इन्सेकले सञ्चालन गरेको कार्यक्रम प्रभावकारी भएको देखिएकोले यसको निरन्तरता र थप कार्यक्रम सञ्चालनको लागि इन्सेक केन्द्रलाई अनुरोध गर्ने साथै थुम्पाखर र ठूलोपाखरको कार्यक्रम 'मर्ज' गरेर सञ्चालन गर्न सुझाव दिने निर्णय गरिएको जिल्ला समन्वय समितिका स्थानीय विकास अधिकारी कृष्णबहादुर शाहीले बताए ।

नातिबावु धिताल