इन्सेक गतिविधिहरू

इन्सेक लुम्बिनी प्रदेश कार्यालयले बैजनाथ गाउँपालिका-३ घरभई हाल चिसापानीस्थित माइती घर बस्ने ४१ वर्षीया चन्द्रा दमाईलाई ०८१ पुस १२ गते आर्थिक सहयोग गरेको छ ।

दलित महिला सङ्घको सिफारिसमा मानव अधिकार कक्षले अदालतमा विचारधीन मुद्दालाई मद्दत पुग्ने किसिमले कानुनी प्रकृयामा सहयोग पुर्‍याउने उद्देश्यले १० हजार रुपियाँ सहयोग गरिएको हो । रकम हस्तान्तरण गर्दै मानव अधिकार सहायता कक्षका अधिकृत टेकनाथ आचार्यले हिंसामा परेका पीडितहरूलाई न्यायिक प्रक्रियामा जाँदा लाग्ने यात्रा तथा अन्य खर्चका लागि सहज होस् भनेर सहयोग प्रदान गरिएको बताउनु भयो ।

पीडित चन्द्रा दमाईलाई पतिले मादक पदार्थ सेवन गरी कुटपिट गर्ने, खाना लागाउन नदिने गरेकाले घरेलु हिंसा गरेको भन्दै जिल्ला अदालतमा मुद्दा लडिरहेको पीडितले बताउनु भयो । पीडितलाई दुई छोरासँगै माइती बसेको भन्दै सहायता कक्षमा मुद्दालाई निरन्तरता दिनका लागि आर्थिक सहयोग गर्न निवेदन दिनुभएको थियो ।

ध्रुबराज शर्मा