इन्सेक गतिविधिहरू

घरेलु हिंसा घटनाका पीडित महिलालाई इन्सेक सुदूरपश्चिम प्रदेश कार्यालय, धनगढीले ०८१ असोज १४ गते न्यायिक प्रक्रियामा सहयोग गर्न आर्थिक सहयोग प्रदान गरेको छ ।

लम्कीचुहा नगरपालिका–८ निवासी गौरीगंगा नगरपािलका—४ स्थित माइती घरमा बस्दै आएकी घरेलु हिंसा घटनाका पीडित ३७ वर्षीया मीनादेवी विश्वकर्माको न्यायमा पहुँच स्थापित गर्न इन्सेक सुदूरपश्चिम प्रदेश कार्यालय, धनगढीले आर्थिक सहयोग स्वरुप १० हजार रुपियाँ प्रदान गरेको छ ।

सम्बन्धविच्छेदको मुद्दा जिल्ला अदालतमा कानुनी प्रक्रियामा रहेको भए पनि आर्थिक अभावका कारण समस्या उत्पन्न भएको भन्दै एडभोकेसी फोरमले इन्सेकलाई सहयोगका लागि सिफारिस गरेपछि इन्सेक सुदूरपश्चिम प्रदेश कार्यालय, धनगढीले घटनाको अध्ययन गरी आर्थिक सहयोग प्रदान गरको हो ।

आर्थिक अभावका कारण पीडितहरुले न्याय पाउनबाट वञ्चित हुन नपरोस् र पीडितको न्यायमा सहज पहुँच पुगोस् भन्नका लागि इन्सेकले मानव अधिकार सहायता कक्षमार्फत आर्थिक सहयोग प्रदान गर्दै आएको इन्सेक सुदूरपश्चिम प्रदेश कार्यालय, धनगढीका संयोजक खडकराज जोशीले बताउनु भयो ।

पति हिक्मत विश्वकमर्माले दिनहु मादक पदार्थ सेवन गरी पटकपटक शारीरिक र मानसिक यातना दिएर घर निकाला गरेपछि बाध्य भएर २०८१ भदौ १६ गते जिल्ला अदालतमा सम्बन्धवच्छेदको मुद्दा दर्ता गरेको पीडित मीनादेवि विश्वकर्माले बताउनु भयो ।

जिल्ला अदालतमा सम्बन्धविच्छेदको मुद्दा दर्ता गरे पनि आर्थिक अभावका कारण अदालतसम्म पनि आउन नसक्ने अवस्थामा इन्सेकले गरेको सहयोगका कारण आफूलाई न्याय पाउन सहज भएको पीडित मीनादेवी विश्वकमाले बताउनु भयो ।

मैनामोती चौधरी