गहुँको मुल्य निर्धारण गर्न माग गर्दै प्रमुख जिल्ला अधिकारीको ध्यानाकर्षण

  ०७३ चैत ३१ गते

मानव अधिकार निगरानी समूह कञ्चनपुर र इन्सेक क्षेत्रीय कार्यालय धनगढीले कञ्चनपुरमा गहुँको मुल्य निर्धारण नगरेका कारण कृषकहरू मार्कामा परेको भन्दै गहुँको मुल्य निर्धारण गर्न चैत ३१ गते प्रमुख जिल्ला अधिकारीको ध्यानाकर्षण गराएको छ ।

स्थानीय समुदायलाई सचेत पार्दै जिम्मेवार निकायलाई जबाफदेही बनाउने कार्यक्रम अन्तर्गत गठित मानव अधिकार निगरानी समूह कञ्चनपुरका संयोजक कृष्णसिंह देउपाको नेतृत्वमा गएको टोलीले प्रमुख जिल्ला अधिकारीलाई गहुँको मुल्य निर्धारण गनुपर्ने, जिल्लामा अखाद्य वस्तुहरूको विक्री वितरणमा वृद्धि भएकाले अखाद्य वस्तु नियन्त्रण गर्नका लागि नियमित अनुगमन गनुपर्नेलगायतका खाद्य अधिकारका सवालहरूमा प्रमुख जिल्ला अधिकारीको ध्यानाकर्षण गराएको हो ।

मानव अधिकार निगारानी समूहले खाद्य अधिकारका सवालमा प्रमुख जिल्ला अधिकारीको ध्यानाकर्षण गराएपछि प्रमुख जिल्ला अधिकारी मनोहरप्रसाद खनालले छिट्टै गहुँको मुल्य निर्धारण गर्न आवश्यक प्रक्रिया थालिने र बजार अनुगमनलाई नियमित गर्ने प्रतिबद्धता जनाएका छन् ।

कोमलनिरन्जन भाट