इन्सेक गतिविधिहरू

इन्सेकले गरुडा नगरपालिकासँगको समन्वयमा गरुडा नगरपालिका-२ स्थित श्री मावि गेडहीगुठीमा खाद्य अधिकारबारे अन्तरक्रिया कार्यक्रम सम्पन्न गरेको छ ।

श्री माविका विद्यार्थी रोहितकुमार सहनीले कक्षा ५ सम्म विद्यालयले दिवा खाजा कार्यक्रम सञ्चालन गरेको भएपनि कक्षा ६ भन्दा माथि पढ्ने विद्यार्थीका लागि खाजा खान टाढा जानुपर्ने भएकाले गाडीलगायत अन्य समस्या हुने भएकाले स्कुलमा नै क्यान्टिनको व्यवस्था गर्नुपर्ने बताउनु भयो ।

निशाकुमारी यादवले विद्यालयमा १ हजार ५ सय बालबालिकाका लागि एउटा मात्र धारा रहेकाले खानेपानीको उपयोगमा समस्या हुने गरेको बताउनु भयो ।

स्थानीय विनोद सहनीले सरकारका तर्फबाट बजार मुल्य तोक्नुपर्नेमा जोड दिनुभयो । उहाँले पहुँचका आधारमा मल विक्री वितरण गर्ने गरेको आरोप लगाउनु भयो ।

शिक्षक सुमित्रा सहनीले दिवा खाजा खान बस्ने ठाउँको अभावले गर्दा खाजा खुवाउन कठिन भइरहेको बताउनभयो ।

कार्यक्रममा श्री मावि गेडहीगुठीका निमित्त प्रधानाध्यापक रामसेवक सहनीले यस्ता कार्यक्रम महिनैपिच्छे गर्नसके सबै नागरिक सचेत हुने अवसर मिल्ने बताउनुभयो ।

कोपिला तिमल्सिना