इन्सेक गतिविधिहरू

आर्थिक अवस्था कमजोर भइ कानुनी प्रकृयामा जान नसकेकी सुर्खेतको वीरेन्द्रनगर– २ भैरवटोल माइती बस्दै आउनु भएकी २३ वर्षाीया कृष्णाकुमारी विसीलाई जेठ ५ गते अनौपचारिक क्षेत्र सेवा केन्द्र (इन्सेक) कर्णाली प्रदेश कार्यालय, सुर्खेतले कानुनी प्रकृयामा जानका लागि आर्थिक सहयोग गरेको छ ।

पीडित उनका पति वीनपा २ वस्ते वर्ष २५ का प्रकाश रोकायाले विहे भएको ६ महिनादेखि कुटपिट गर्ने हातहतियार देखाएर ज्यान मार्ने धम्की दिदै आएको पीडितको गुनासो छ ।

पीडितले न्यायको माग गर्दै वैशाख १७ गते जिल्ला अदालत सुर्खेतमा घरेलु हिंसा सहित सम्बन्ध विच्छेदका लागि मुद्दा दर्ता गराउनुभएको हाे । सोही मुद्दाको कानुनी प्रक्रियामा जानका लागि नगद पाँच हजार रुपियाँ इन्सेकले आर्थिक सहयोग गरेको कर्णाली प्रदेश संयोजक नारायण सुवेदीले बताउनुभयो ।

पीडितले कानुनी प्रक्रियामा जानका लागि आर्थिक सहयोगको माग गर्दै इन्सेक कर्णाली प्रदेश कार्यालयमा वैशाख २० गते निवेदन दिनु भएको थियो । सोही निवेदनका आधारमा मानव अधिकार सहायता कक्षको जेठ ३ गते बसेको बैठकले पीडितलाई आर्थिक सहयोग गर्ने निर्णय गरेको इन्सेक कर्णाली प्रदेश कार्यालय कार्यक्रम अधिकृत परिस्कृत पौडेलले बताउनु भयो ।

पीडितलाई न्याय प्रक्रियामा जाँदा लाग्ने निवेदन शुल्क, फोटोकपी र यात्राखर्च लगायतका शिर्षकमा सहयोग पुग्ने उद्देश्यले उक्त रकम सहयोग गरिएको उहाँको भनाइ छ ।

प्रभाकुमारी रावत