एक वर्षमा एक सय ओटा घटना अभिलेखित

  ०७३ मङ्सिर २६ गते

यस वर्ष उदयपुरमा १ सय ओटा घटना सङ्कलन गरिएको एक कार्यक्रममा जानकारी दिइएको छ । इन्सेक उदयपुरले नेपाल मानव अधिकार वर्षपुस्तक-२०१७ का लागि सङ्कलन गरेको घटनाहरूको समीक्षाका लागि मङ्सिर २६ गते आयोजना गरेको कार्यक्रममा यस्तो तथ्याङ्क प्रस्तुत गरिएको हो ।

photo20161211udaypur

सबैभन्दा बढी घरेलु हिंसाका घटनालाई अभिलेख गरिएको इन्सेकका उदयपुर जिल्ला प्रतिनिधि भरत खड्काले जानकारी दिए । तथ्याङ्कअनुसार घरेलु हिंसाका ६० ओटा, बालिका बलात्कारका १९ ओटा, बालबालिका अपहरणका दुई ओटा, महिलामाथि बलात्कारका सात ओटा, कथित बोक्सीको आरोपका दुई ओटा, बहुविवाहका चार ओटा, जातीय विभेदको एउटा लगायतका घटना गरी १ सय ओटा रहेका छन् ।

कार्यक्रममा बोल्दै प्रमुख जिल्ला अधिकारी कृष्णचन्द्र घिमिरेले इन्सेकको वर्षपुस्तक मानव अधिकारको दस्तावेज भएकाले अभिलेखिकरण गर्दा सावधानी अपनाउनु पर्ने बताए । उनले जिल्लामा मानव अधिकार उल्लङ्घनका घटना खासै नभएपनि हिंसाका घटना भने निकै रहेको बताए ।

प्रजिअ घिमिरेले ग्रामीण क्षेत्रमा परेका समस्याका बारेमासमेत अभिलेखिकरण गर्न सके अझ प्रभावकारी हुने बताए ।

भरत खड्का