इन्सेक गतिविधिहरू

अनौपचारिक क्षेत्र सेवा केन्द्र (इन्सेक) का अध्यक्ष सुबोधराज प्याकुरेलले देशमा एकीकृत मानव अधिकार आन्दोलनलाई पुनर्जिवित गर्न आवश्यक रहेको जोड दिएका छन् ।

इन्सेकद्वारा साउन ३ र ४ गते काभ्रेको धुलिखेलमा आयोजित कार्यक्रम निर्देशिका कार्यशालाको उदघाटन सत्रमा उनले देशका सबै नागरिकको उन्नतीका लागि एकीकृत मानव अधिकार आन्दोलनको आवश्यकता रहेकोमा जोड दिएका हुन् ।

अध्यक्ष प्याकुरेलले वर्तमान परिवेशमा इन्सेकको भूमिका बढदै गएकाले आफ्ना गतिविधिलाई प्रभावकारी बनाउनु पर्ने बताए । यसका लागि जनताका बीचमा प्रत्यक्ष प्रभाव हुने गरी कार्यक्रम गर्नुपर्ने उनले बताए । उनले स्थानीय तहका प्रतिनिधिसँग असल सम्बन्ध स्थापना गर्दै राम्रा कामको नजिर स्थापना गर्ने गरी काम गर्न आग्रह गरे । ‘हामीले जहिले पनि उदाहरणीय काम गर्ने हो । एक ठाउँमा भएका राम्रा कामलाई अन्य ठाउँमा पनि कार्यान्वयनका लागि आग्रह गर्नुपर्छ ।’–अध्यक्ष प्याकुरेलले भने ।

कार्यक्रममा इन्सेकका कार्यकारी निर्देशक विजयराज गौतमले कार्यक्रम निर्देशिकामा भएका सबै क्रियाकलाप समयमा सम्पन्न गर्नुपर्ने बताए । आगामी वर्षमा गरिने कार्यक्रम सम्बन्धमा स्पष्ट हुनका लागि कार्यक्रमको आयोजना गरिएको उनको भनाई छ ।

कार्यक्रम साउन ३ र ४ गते सञ्चालन गरिने इन्सेक पिएमई अधिकृत सुबेच्छा खडकाले बताइन् ।

इन्सेक कार्यालय, काठमाडौँ