इन्सेक र मानव अधिकार समूहद्वारा प्रथमिक स्वास्थ्य केन्द्रको अनुगमन

  ०८० माघ २६ गते

इन्सेक  र मानव अधिकार समूह मायादेवीद्वारा मायाँदेवी गाउँपालिका–७ स्थित हरनामपुर प्राथमिक स्वास्थ्य केन्द्रमा माघ २५ गते स्थलगत अनुगमन गरेको छ ।

गाउँपालिकामा गठित मानव अधिकार समूहका अध्यक्ष सतिषप्रसाद पाण्डेयको संयोजकत्वमा इन्सेक जिल्ला प्रतिनिधि पार्वती आचार्य सम्मिलत टोलीले हरनामपुर प्राथमिक स्वास्थ्य केन्द्रको समस्याहरू पहिचान गर्नका लागि स्थलगत अनुगमन गरेको हो ।

अनुगमनका क्रममा टोलीले बर्थिङ सेन्टर सञ्चालन गरिएको हरनामपुर प्राथमिक स्वास्थ्य केन्द्रमा नेपाल सरकारले ९८ प्रकारका औषधिहरू निशुल्क उपलब्ध गराउने भने पनि ४,५ प्रकारको औषधि मात्र उपलब्ध भएको पाइयो ।

बढी मात्रामा प्रयोग हुने सिटामोल एक सातादेखि  प्राथमिक स्वास्थ्य केन्द्रका सिअहेव रिषिराम गैरेले बताउनु भयो । स्थानिय तहसँग पटक पटक माग गर्दा समेत सुनुवाइ नभएको गैरेले  बताउनु भयो ।

औषधिहरू समयमा उपलब्ध नहुँदा स्वास्थ्य जाँच गराउन आएका बिरामीहरूलाई सिटामोल लगायतका औषधिहरूको सेवा दिन नसकिएको , गर्भवती महिलाहरूले स्वास्थ्य परीक्षण गराए पनि भिडियो एक्सरे र एक्सरे सेवा लिन नपाएको, सुत्केरीहरूका लागि कम्वर्ड शौचालयको व्यवस्था नभएको , पोषण कक्ष भएको कर्नर नभएको, बिरामीहरूलाई जाँच गर्ने विपीसेट , थर्मामिटर र वेवी वार्मरको समस्या रहेको अनुगमनका क्रममा पाइयो ।

यसैगरी, साउनदेखि पुस मसान्त सम्म ८६ जनाले सुत्केरी गराएका छन् सुत्केरी पश्चात पाउने प्रोतसाहन भत्ता माघ २५ गते सम्म जम्मा २९ जनाले मात्र प्राप्त गरेको र ५७ जना सुत्केरीले प्रोत्साहन भत्ता पाउन नसकेको अनुगमनका क्रममा पाइयो । सुत्केरीले किन तत्काल प्रोत्साहन भत्ता पाएनन् त भन्ने बिषयमा सिअहेव गैरैसँग सोध्दा गाउँपालिकाले नपठाएका कारण सुत्केरी पश्चात पाउने सेवा नपाएको अनुगमनका क्रममा पाइयो ।

photo20240209kapilvastu

पार्वती आचार्य