इन्सेक गतिविधिहरू

अनौपचारिक क्षेत्र सेवा केन्द्र (इन्सेक) सिन्धुपाल्चोकको आयोजनामा फागुन २७ गते चौतारा नगरपालिकामा सार्वजनिक सुनुवाइ कार्यक्रम सम्पन्न गरिएको छ ।

भूकम्पपछि शिक्षा, स्वास्थ्य र खाद्य अधिकारको अवस्था विषयमा गरिएको सार्वजनिक सुनुवाइमा चौतारा नगरपालिकाका कार्यकारी अधिकृत भुवनेश्वर लामिछानेले चौतारा नगरपालिकाको नगर परिषदबाट नै शिक्षा र स्वास्थ्यलाई प्राथमिकता दिएको र भूकम्प पीडितलाई आवास पुनः निर्माणका लागि दिइने ५० हजार रुपियाँ चौतारा नगरबाट शुरू गरेको बताए ।

नेपाली काङ्ग्रेसका प्रतिनिधि हरिश्चन्द्र कुँवरले आवास निर्माणको लागि पहिलो किस्ता लिन छुटेका घर परिवारहरूले गुनासो फारम भरेका बताउँदै गुनासो फारम भर्नेहरूको रकम कहिले आउने हो टुङ्गो नभएको बताए ।

स्थानीय दिनेश रायमाझी, लिलेन्द्र शिवभक्ति, सिता कुँवरलगायतले भूकम्पपछि गाउँमा स्वास्थ्यको समस्या भएको बताए ।

नातिबावु धिताल