इन्सेकद्वारा मानव अधिकारका विषयमा अन्तरक्रिया कार्यक्रम सम्पन्न

  ०७८ कात्तिक ३० गते

अनौपचारिक क्षेत्र सेवा केन्द्र (इन्सेक) प्रदेश २ कार्यालय जनकपुरधामद्वारा आयोजित नगरस्तरीय शिक्षा, स्वास्थ्य, खाद्य र आवासको अधिकारका सवालमा सरोकारवालाहरूबिच नगरस्तरीय अन्तरक्रिया कार्यक्रम सम्पन्न गरिएको छ ।

कार्यक्रममा इन्सेकद्वारा सञ्चालित स्थानीय समुदायलाई सचेत पार्दै जिम्मेवार निकायलाई जबाफदेही बनाउने परियोजना अन्तर्गत मानवको शिक्षा, स्वास्थ्य, आवास र खाद्यको अधिकारको विषयका विभिन्न कार्यक्रमहरू सञ्चालन भइरहेको छ ।

त्यसैगरी इन्सेक प्रदेश संयोजक राजु पासवानले इन्सेकबाट सञ्चालित कार्यक्रमहरू, परियोजनाको बारेमा प्रष्ट पार्दै अन्तरक्रियामा उठेका सवालहरूमा स्थानीय सरकारले ध्यान दिनुपर्नेमा जोड दिनुभयो ।

गरुडा नगरपालिकाका स्वास्थ्य शाखा प्रमुख योगेन्द्रप्रसाद साहले नगरपालिका भित्र निःशुल्क खोप कार्यक्रम सञ्चालन भएको र आगामी आर्थिक वर्षमा पनि सो योजना रहेको बताउनुभयो ।

नगरभित्र दुई ओटा बर्थिङ्ग सेन्टर रहेको छ जसमध्ये रौतहट जिल्लामा नै दोस्रो स्थानमा गरुडा बर्थिङ्ग सेन्टर रहेको बताउनु भयो ।

उहाँले विद्यालयहरूमा सेनिटरी प्याड तथा चेन्जरुम राख्ने निर्णय नगरबाट भएकाले कार्यान्वयनका लागि सरोकारवालाहरूलाई आग्रह गर्नु भयो ।

स्थानीय माविको कक्षा ८ मा अध्ययनरत छात्रा काजल रजकले विद्यालयमा कम्प्युटर ल्याबको व्यवस्था हुनुपर्ने, सेनेटरी प्याड, चेन्जरुम व्यवस्थित हुनुपर्ने, शुद्ध पिउने पानीको उचित व्यवस्था हुनुपर्ने गुनासो गर्नुभयो ।

पत्रकार महासङ्घका सदस्य रामप्रवेश बैठाले मानव अधिकार सबैको अधिकारको विषय हुँदाहुदै पनि पत्रकारहरू जहिले असुरक्षित भएर हिँड्नुपर्ने बताउनु भयो ।

गरुडा नगरपालिकाका प्रमुख इनु राय यादवले अन्तरक्रियामा उठेका सवाललाई नगरकार्यपालिकामा पेश गरी आवश्यक निर्णय लिने प्रतिबद्धता व्यक्त गर्नु भयो ।

photo20211116rautahat (1)

photo20211116rautahat (2)

photo20211116rautahat (3)

कोपिला तिमल्सिना